Ըստ Գյումրիից եւ Վանաձորից ստացված տեղեկությունների` այդտեղի "իրավապաշտպաններ" Արթուր Սաքունցն ու Լեւոն Բարսեղյանը անհամբեր սպասում են ինչ-ինչ կարեւոր լուրի Ջավախքից, որից հետո պետք է փորձեն Գյումրիում կազմակերպել ցույցեր` ընդդեմ ռուսական ռազմաբազայի:
Այդտեղի ակտիվիստական շրջանակներին մոտ կանգնած աղբյուրի փոխանցմամբ` իրենք կազմ ու պատրաստ սպասում են կարեւոր լուրի, եւ շշուկներ են տարածվել, որ մինչեւ ապրիլի 24-ը Ջավախքում ինչ-որ սուր իրադարձություններ պետք է տեղի ունենան, ու իբր դա բարենպաստ պայմաններ կստեղծի Գյումրիում փողոցային ակցիաներ սկսելու համար: