«ՏՂԱՍ, Ո՞ՒՐ Է ԵՓՐԱՏԸ» ՖԻԼՄՆ ԱՆԴՐԱԴԱՌՆՈՒՄ Է ՀԱՅՈՑ ՑԵՂԱՍՊԱՆՈՒԹՅԱՆ ԹԵՄԱՅԻՆ
Արխիվ 12-16«ՏՂԱՍ, Ո՞ՒՐ Է ԵՓՐԱՏԸ» ՖԻԼՄՆ ԱՆԴՐԱԴԱՌՆՈՒՄ Է ՀԱՅՈՑ ՑԵՂԱՍՊԱՆՈՒԹՅԱՆ ԹԵՄԱՅԻՆ
Մարտի 28-ին` ժ. 19.00-ին` Մոսկվայի տանը տեղի կունենա ռեժիսոր ՌՈՒԲԵՆ ՓԱՇԻՆՅԱՆԻ «Տղաս, ո՞ւր է Եփրատը» ֆիլմի պրեմիերան, որն անրադառնում է Հայոց ցեղասպանության թեմային:
ԱՄՆ-ից ժամանած զբոսաշրջիկների խմբում մի ծերուկ Հայաստանում փնտրում է Եփրատ գետը… «Տղաս, այս գետը Եփրա՞տն է»,- հարցնում է նա միշտ, երբ ինչ-որ գետ է տեսնում: Ուղեվարը սկզբից ժպիտով, ապա զարմանքով եւ հետո էլ մի փոքր զայրույթով բացատրում է, որ ծերուկը սխալվում է՝ Հայաստանում Եփրատ չկա: Այդպես շարունակվում է մինչև Նորավանք հասնելը…
Այս ամենի մասին հիշում է տարիներ անց ուղեվարը՝ իր իսկ հարազատ պապիկի ծննդյան օրը, որը ծնվել էր ապրիլի 24-ին…
Ֆիլմը, որը նկարահանվել է Ռ. Փաշինյանի «Տղաս, ո՞ւր է Եփրատը» պատմվածքի հիման կարճամետրաժ է` 15 րոպե տեւողությամբ:
Ֆիլմում գլխավոր հերոսներին մարմնավորել են Վիգեն Ստեփանյանը եւ Ռուբեն Փաշինյանը:
Ֆիլմում հնչում է Էդուարդ Փաշինյանի «Շուրջպարը»:
ԶՎԱՐԹ ԽԱՉԱՏՐՅԱՆ
