ՆԻԿՈԼ ՓԱՇԻՆՅԱՆ. «ՊԱՐՈՆ ՇԱԲՈՅԱՆ, ՈՏՔԻ ՏԱԿ ՄԻ՛ ԸՆԿԵՔ»
Արխիվ 12-16ՆԻԿՈԼ ՓԱՇԻՆՅԱՆ. «ՊԱՐՈՆ ՇԱԲՈՅԱՆ, ՈՏՔԻ ՏԱԿ ՄԻ՛
ԸՆԿԵՔ»
ՀԱԿ խմբակցության պատգամավոր Նիկոլ Փաշինյանն այսօր ԱԺ-ում անդրադառնալով ՏՄՊՊՀ ղեկավար Արտակ Շաբոյանի ու նրա ղեկավարած գործունեությանը:
Ըստ Փաշինյանի` Շաբոյանը մոլորության մեջ է գցում ժողովրդին. «Նա հիմա, (նկատի ունի Շաբոյանին-խմբ.) «քաղաքացի դատավոր, նա չի կարող նստել» կարգավիճակում է»:
Պատգամավորը նաեւ անդրադարձավ պատգամավորների հասցեին Շաբոյանի կողմից հնչեցված հայտարարություններին. «Լկտիության ու հանդգնության հետ շաղախված հայտարարություններ եք անում ԱԺ-ում: Դուք ձեզ ո՞ւմ տեղն եք դրել»:
Նիկոլ Փաշինյանն իր խոսքում նաեւ նշեց, որ ինքը Շաբոյանի հետ բանավիճելու ցանկություն չունի, քանի որ նա փոքր ֆիգուր է. «Ես ձեր քաղաքական ծնողների հետ ունեմ բանավեճ: Այնպես որ ոտի տակ մի՛ ընկնեք, դուք փոքր ֆիգուր եք»:
Հիշեցնենք, որ Արտակ Շաբոյանը երեկ խորհրդարանում ամեն ձեւով հերքում էր բանանի ներկրման մենաշնորհի մասին լուրերը. «Բանանը ներկրում է ԴԱՀԿ պետ Միհրան Պողոսյանը: Մատը դրել է բանանի շուկայի վրա, ասում է` «էս սարն իմն է, էս ծառն իմն է»: Ու էսքանից հետո էլ հայրենասիրությունի՞ց է խոսում: Իր աշխատողներին տանում է Ծիծեռնակաբերդ, երդվել տալիս: Եթե հայրենասեր եք, ապա թողեք մարդիկ ապրեն: Թե ձեզ համար հայրենասեր են մահարձանների, հուշակոթողների, պուլպուլակների վերածվածները»:
Այս խոսքերը Շաբոյանը հլու-հնազանդ լսում էր ու տեղում նստած իր տեղը չէր գտնում, գլուխը կախ արած, արագ-արագ գրանցումներ էր կատարում:
Իսկ ՀԱԿ պատգամավոր Հրանտ Բագրատյանն էլ իր դիտողություններում ասաց, որ նա Շաբոյանին անգամ երեք գննահատական չէր նշանակի. «Կարծում եմ, որպես տնտեսագետ, դուք ի վիճակի չեք հասկանալու, մասնագիտորեն չեք տիրապետում իրավիճակին»,- ասաց Բագրատյանը ավելացնելով, որ Շաբոյանը անգրագետ է ու անքաղաքավարի:
ՍՈՆԱ ԴԱՎԹՅԱՆ
