Լսե՛ք մարդկանց, լրջորեն վերաբերվե՛ք նրանց հոգսերին․ կատարվեց քահանայական ձեռնադրություն Ինչ է կատարվում Արցախ կամերային նվագախմբում Ջիվան Գասպարյան կրտսերը նոր տեսահոլովակ է ներկայացրել Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ

ԼՏՊ-Ն "ՏԱԿԻՑ" ԿՈՉ Է ԱՆՈՒՄ ԹՈՒՐՔԵՐԻ ՆԱԽԱՊԱՅՄԱՆՆԵՐՆ ԸՆԴՈՒՆԵ՞Լ

Արխիվ 12-16

ԼՏՊ-Ն "ՏԱԿԻՑ" ԿՈՉ Է ԱՆՈՒՄ
ԹՈՒՐՔԵՐԻ ՆԱԽԱՊԱՅՄԱՆՆԵՐՆ ԸՆԴՈՒՆԵ՞Լ


Լեւոն Տեր-Պետրոսյանը Հայոց ցեղասպանության 100-րդ տարելիցի առթիվ իր մոգոնած միջազգային հանրությանը հասցեագրված ուղերձի նախագիծով կոչ է անում նորից վերադառնալ տխրահռչակ հայ-թուրքական հաշտեցման թեմային եւ հայ-թուրքական արձանագրությունների հիման վրա հաստատել դիվանագիտական հարաբերություններ: Բայց չէ՞ որ այդ արձանագրությունները տապալվեցին Ղարաբաղի հարցով թուրքերի առաջ քաշած նախապայմանների պատճառով: Այսինքնª ԼՏՊ-ն, առաջարկելով այդ արձանագրություններին վերադառնալ, նաեւ այն թաքուն մտքին է, որ Հայաստանը պետք է թուրքական նախապայմաննե՞րը կատարի...
Թե ինչքանով է խելքին մոտ Տեր-Պետրոսյանի առաջարկը, փորձեցինք ճշտել ՀՀ ԱԺ արտաքին հարցերի հարաբերությունների հանձնաժողովի նախագահ ԱՐՏԱԿ ԶԱՔԱՐՅԱՆԻՑ:
-Գիտեք, հայ-թուրքական արձանագրությունները բանակցության արդյունք են: Դրանք հենց այնպես չեն ծնվում: Որպես բանակցությունների հետեւանք` դրանք արտացոլում են կողմերի համաձայնությունը, դիրքորոշումը: Հետագայում Թուրքիան առաջ քաշեց իր նախապայմանները, որոնք մեզ համար եղել են եւ կան անընդունելի մոտեցումներ, ձախողեց վավերացման գործընթացը ու չվավերացրեց դրանք իր խորհրդարանում: Տեղի ունեցան արձանագրությունների վերաբերյալ հայտնի մոտեցումները: Հայաստանը երբեք արձանագրությունների ոգուն հակառակ գործողություններ չի իրականացրել: Հավատարիմ լինելով արձանագրությունների ոգուն` արձանագրություններում ամրագրված խնդիրների շուրջ սկսել հարաբերությունների կարգավորում` հայ-թուրքական սահմանի բացում, հայ-թուրքական հարաբերությունների կարգավորում, բնականաբար, առաջին քայլերն են, որոնք կարող են հայ-թուրքական հարաբերություններում որոշակի սկիզբ հանդիսանալ: Բայց Թուրքիան գնաց ձախողումների ճանապարհով` փորձելով հարցը պայմանավորել այլ` երրորդ խնդիրներով, որը մեզ համար անընդունելի է:

ՍՈՆԱ ԴԱՎԹՅԱՆ

Հավանեցի՞ր հոդվածը, կիսվիր ընկերներիդ հետ