Ինչպես կապարակնքվեց Նկարիչների միության ցուցասրահը Նկարիչների միության նորընտիր նախագահի բացառիկ հարցազրույցը Ես տեղափոխվում եմ Հայաստան. Դենիս Ջորկաեֆը առաջադրվել է որպես ՀՖՖ նախագահի թեկնածու Լեվոն Զուրաբյան VS Նիկոլ Փաշինյան Ակրոպոլիս թանգարանում բացվել է «Հին Հայաստան» միջազգային ցուցահանդեսը Ջրամատակարարման ընդհատումներ են տեղի ունեցել Կիևի հինգ շրջաններում Բրիտանիան ցանկանում է վերադառնալ ԵՄ. Brexit-ը չափազանց թանկ էր. The Times Մելանյա Թրամփը հնարավոր է համարում Ուկրաինայում հրադադարը մինչև Սուրբ Ծնունդ Քո մասին այնպիսի ճշմարտություն կասեմ, ստիպված կլինես փախչել նաեւ ՌԴ-ից․ Դանիելյանը՝ Պիպոյին Մեզ այսօր շատ են պակասում Մոնթեի պես հայերը․ Հռիփսիմե Նահապետյան

Ստամբուլյան կոնվենցիան ունի էական հակասություններ ՀՀ սահմանադրության հետ. Վահե Գրիգորյան

Թեմա

Քաղաքական կուլիսներում ակտիվորեն քննարկվում է, որ սեպտեմբերի 14-ին մեկնարկող ԱԺ աշնանային նստաշրջանի օրակարգում տեղ է գտնելու Ստամբուլյան չարաբաստիկ կոնվենցիայի վավերացման հարցը: Իհարկե, մինչ այդ խորհրդարանական մեծամասնությունը պատրաստվում է նախ Սահմանադրական դատարանում տեղավորել ցանկալի ՍԴ անդամների, որոնք էլ Ստամբուլյան կոնվենցիան «հալած յուղի» տեղ «կսղացնեն» ՀՀ Սահմանադրության վրայով: Այդուհանդերձ, ովքեր էլ լինեն ՍԴ նոր անդամները, արդյոք կկարողանան Ստամբուլյան կոնվենցիան ներկայացնել` իբրեւ սահմանադրական, «Իրավունքը» հետաքրքրվեց Սահմանադրական իրավունքի մասնագետ, իրավաբան ՎԱՀԵ ԳՐԻԳՈՐՅԱՆԻՑ:

– Այստեղ մենք բախվում ենք լուրջ խնդրի: Սա արդեն արժեհամակարգերի եւ գաղափարների կռիվ է եւ, ցավոք, ականատես ենք լինում, որ քաղաքականության մեջ որոշ իրավաբանների կողմից մասնագիտական որակները դրվում են մի կողմ: Դեռեւս նախորդ տարի ուսումնասիրել եմ ամբողջ Ստամբուլյան կոնվենցիան, եւ եթե զուտ իրավաբանության տեսանկյունից նայենք, այն ունի էական հակասություններ ՀՀ Սահմանադրության հետ: Ի վերջո, ՀՀ Սահմանադրության մեջ արձանագրված է, որ այն ընդունված է հայ ժողովրդի կողմից, հետեւաբար ՀՀ Սահմանադրությունը պետք է ծառայի ի շահ եւ բացառապես հայ ժողովրդի: Ցանկացած երեւույթ, ցանկացած իրավական ակտ եւ դրա փաստացի հետեւանքները, որոնք կարող են վրա հասնել դրա ընդունման արդյունքում, եթե վնասելու են հայ ժողովրդի հավաքական եւ հիմնական ներկայացուցչական շահը, ապա այդ դեպքում դրանք դառնում են հակասահմանադրական: Եվ վերջապես` մեր ազգային ինքնությունը դեմ է ցանկացած այլասերման: Մինչդեռ Ստամբուլյան կոնվենցիան պնդում է, որ այն ավանդույթները, որոնք կարող են նպաստել խտրականությանը, պետք է արմատախիլ արվեն: Էլ չեմ անդրադառնում մանրամասն իրավական վերլուծություններին, որովհետեւ այդ կոնվենցիայի միայն նշված մասն արդեն բավական է արձանագրելու համար, որ` այո, Ստամբուլյան կոնվենցիան էական հակասություն ունի ՀՀ Սահմանադրության հետ: Սակայն, թե ինչ որոշում կընդունվի Սահմանադրական դատարանի կողմից, կանխատեսել չեմ կարող:

ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ