Բանաստեղծ Խաչիկ Մանուկյանը իր բանաստեղծությամբ շնորհավորել է Հասմիկ Պապյանի ծնունդը
ՄշակութայինԲանաստեղծ Խաչիկ Մանուկյանը շնորհավորել է Հասմիկ Պապյանի ծնունդը և նրան նվիրել իր բանաստեղծություններից մեկը:
Ծննդյան օրվա առթիվ շնորհավորելով մեր անզուգական ՊՐԻՄԱԴՈՆՆԱՅԻՆ` ՀԱՍՄԻԿ ՊԱՊՅԱՆԻՆ, հղելով մեր հոգու լավագույն մաղթանքները, խոստովանենք նաև, որ այս սքանչելի կնոջ մեջ ենք տեսնում բարձր արվեստագետի և մտավորականի, Ազգին և Հայրենիքին բացառիկ նվիրյալի վեհ կերպարը:
ՀԱՍՄԻԿ ՊԱՊՅԱՆԻՆ
Ջահը լողում է բաց երկնքում-
Ամենը լուսե իր գրկում է,
Ծիծառը թռչում ու երգում է
Եվ ծիծաղով է օրը ներկում:
Ցավը հեկեկում ու հերքվում է
Իր ընթացքի մեջ դառնապատիր-
Լույսն առավոտի կթրատի,
Շոգիացնելով մեռնող թույնը:
Բարձանում է բեմ, ու հալվում է
Հոգուդ սառույցը` կաթիլ-կաթիլ,
Դահլիճն է պայթում- նրա պատվին
Նույն անկասելի ցնծությունն է...
