Կիմ Բալայանը չի դավաճանում որդեգրած իր լռության ուխտին

Սահմանադրական դատարանի եւ Վճռաբեկ դատարանի միավորման եւ Գերագույն դատարան ստեղծելու իշխանական մտահղացումների շուրջ «Իրավունքը» փորձեց գնահատկան ստանալ ՍԴ նախկին դատավոր Կիմ Բալայանից: Մասնավորապես, մեզ հետաքրքրում էր, թե ըստ նախկին ՍԴ անդամի` որքանո՞վ է նպատակահարմար այդ երկու կառույցների միավորումը, եւ այդ դեպքում ինչպե՞ս կարող է գործել նոր կառույցը: Բայց պարոն Բալայանը, փաստորեն չի դավաճանում վերջին շրջանում որդեգրած իր լռության ուխտին.

- Ես ասել եմ չէ՞, որ չեմ խոսելու:

- Դուք ասել էիք, որ ՍԴ-ի շուրջ ընթացող գործընթացներից չեք խոսելու, բայց սա լրիվ այլ հարց է:

- Ինչի՞ եք ինձ փորձում սադրել:

- Որտե՞ղ սադրանք տեսաք, պարոն Բալայան:

- Դե ասում չէ` չեմ խոսելու, Դուք շարունակում եք:

- Ինչով է պայմանավորված Ձեր լռությունը, այն էլ` նման մասնագիտական հարցի հետ կապված:

- Չեմ ուզում խոսել, զոռո՞վ է:

- Ոչ, իհարկե: Լավ, ե՞րբ եք խոսելու, որ այդ ժամանակ անհանգստացնենք:

- Ասացի` հիմա չեմ խոսում, ցտեսություն...

ԻԼՈՆԱ ԱԶԱՐՅԱՆ

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝