ԼԱՆԶԱՐՈՏԵԻ ԿՈՆՎԵՆՑԻԱՅԻՆ ԿՈՂՄ Է, ՍՏԱՄԲՈՒԼՅԱՆ ԿՈՆՎԵՆՑԻԱՅԻՆ` ԴԵՄ
Մշակութային
Ռեժիսոր, դերասան ԱՐԱ ԳԵՎՈՐԳՅԱՆԸ նախորդ համարում հայտնեց դրական կարծիք Լանզարոտեի կոնվենցիայի վավերացման մասին, ինչը ոչ միանշանակ արձագանքներ է ունեցել: Այժմ նա տվեց լրացուցիչ պարզաբանումներ:
– Երեխաների նկատմամբ սեռական բռնությունների դեպքերը, ցավոք, չեն դադարում: Քայլեր պետք է ձեռնարկել`այդ չարիքը արմատախիլ անելու համար: Իմ կարծիքով` Լանզարոտեի կոնվենցիայում նշվում է այդ խնդրի դեմ պայքարելու ձեւերը, եւ ինչն է լավ, որ միջազգային համախմբված ուժերով: Դպրոցում աստիճանաբար երեխաները պետք է տեղեկացվեն սեռական շահագործման եւ սեռական չարաշահման ռիսկերի մասին եւ պետք է զինվեն իրենց պաշտպանելու համար անհրաժեշտ հնարավորություններով:
– Արդյո՞ք դա չի նպաստի երիտասարդ սերնդի բարոյական նկարագրի փոփոխմանը:
– Երեխաների հետ անմիջականորեն աշխատող անձինք պետք է հատուկ ստուգումներ եւ վերապատրաստումներ անցնեն: Այսպիսի կետեր կան այդ կոնվենցիայում: Եվ իմ կարծիքով այն չի նպաստի երիտասարդ սերնդի բարոյական նկարագրի փոփոխմանը:
– Այսինքն` Դուք համաձա՞յն եք, որ դասի ընթացքում անդրադառնան նույնասեռականությանը:
– Ինչ վերաբերում է նույնասեռականությանն անդրադառնալուն, ապա վերը նշված իմ պատասխանը նաեւ այդ թեմային է վերաբերում: Բոլորս գիտենք, որ եթե ուզում ենք հիվանդությունը բուժել, հարկավոր է ճիշտ ախտորոշում կատարել: Հանկարծ չմտածեք, որ ես կողմ եմ այդ երեւույթին: Ընդհակառակը` ես դեմ եմ բոլոր ոչ նորմալ սեռական հարաբերություններին:
– Կոնվենցիան արդյո՞ք շահեր չի հետապնդում: Ձեր կարծիքը «Ստամբուլյան»կոնվենցիայի վերաբերյալ:
– Ինչ վերաբերում է «Ստամբուլյան» կոնվենցիային, ապա այստեղ ես տեսնում եմ, Ձեր ասած, շահերի հետապնդում եւ միանշանակ դեմ եմ եւ միանում եմ բոլոր այն մարդկանց, ովքեր դատապարտում են այդ կոնվենցիան: Այդ կոնվենցիայում նույնիսկ բռնություն կա երեխաների դեմ, որը ես դատապարտում եմ:
ՆՈՒՆԵ ԶԱՔԱՐՅԱՆ
1
25911 դիտում
2
2358 դիտում
3
2324 դիտում
4
2095 դիտում
5
1602 դիտում
1
42924 դիտում
3
8986 դիտում
4
8133 դիտում
5
5130 դիտում
3
18900 դիտում
4
10543 դիտում
5
9941 դիտում
