Գարիկ Մարտիրոսյանը վերսկսում է իր «Ինստաբաթլը»․ ինչպիսի՞ն կլինի մրցանակային ֆոնդը

Շոու բիզնես 1 Սեպտեմբեր, 2020 14:10

Վերջերս Գարիկ Մարտիրոսյանի հետեւորդներից մեկը Instagram-ում դժգոհել է, որ շոումենը դադարել է լավագույն կատակների մրցույթներ անցկացնել եւ վճարել դրա համար: «Մինչեւ հիմա չեմ կարողանում ոտքի կանգնել այն բանից հետո, երբ Մարտիրոսյանը դադարել է կատակների համար 100 եվրո տալ»,-գրել է Kirill Yasenok-ը: Մարտիրոսյանն ի պատասխան կատակել է, որ նույնիսկ «իրեն մի պահ մեղավոր է զգացել»։

Բայց, ըստ երեւույթին, ոչ մի պահ, քանի որ որոշել է վերսկսել այդ ձեւաչափը։ Մատիրոսյանն այն անվանում է «Ինստաբաթլ»։ Նա տեսաուղերձ է նկարահանել հետեւորդների համար՝ առաջարկելով նրանց մտածել պարգեւի չափի մասին։ «Ինչպիսի՞ն պետք է լինի մրցանակային ֆոնդը շաբաթվա լավագույն կատակի համար»։

Հետեւորդները, սակայն, կարծում են, որ պարտադիր չէ գումար լինի։ Շատերը որպես տարբերակ առաջարկել են «Comedy club-ի առաջին շարքերում գտնվող երկու տոմս» կամ Գարիկ Մարտիրոսյանի հետ ռեստորան այցելություն։ «Ռեստորանում ձեզ հետ մեկ ժամով հանդիպումը, Ձեր հաշվին անգնահատելի է», - գրել է հետեւորդը: «Գաղափարը լավն է ։ Միայն հաղթողին եկեք ընտրեն հետեւորդները՝ լայքերի միջոցով», - առաջարկել է vaspur օգտատերը։

Կային նաեւ մարդիկ, որոնք կարծում են, որ նախկին 100 եվրոն միանգամայն բավարար է։ Ինչեւէ, Մարտիրոսյանը դեռ սպասում է առաջարկների եւ կախված դրանից, թե որից շատ կլինեն, հավանաբար, կորոշի հաղթողի մրցանակը։

Աղբյուր` https://style.news.am/arm/news/73504/garik-martirosyany-versksum-e-ir-instabatly%E2%80%A4-inchpisin-klini-mrcanakayin-fondy.html

Այս թեմայով