«Երկրաշարժ» ֆիլմը չընդգրկվեց «Լավագույն արտասահմանյան ֆիլմ» անվանակրգում

Սարիկ Անդրեասյանի «Երկրաշարժ» ֆիլմը չի ընդգրկվել Ամերիկյան կինոակադեմիայի 89-րդ «Օսկար» մրցանակաբաշխության «Լավագույն արտասահմանյան ֆիլմ» անվանակրգում: Նախօրեին Կինոակադեմիան հրապարակել է  հավակնող ֆիլմերի նախնական ցանկը, որի մեջ ընդգրկված է արտասահմանյան 85 ֆիլմ:

 «Օսկար» 89-րդ մրցանակաբաշխությանը Հայաստանը ներկայացնելու 3 հավակնորդ ուներ.  Դավիթ Սաֆարյանի «Տաք երկիր, ցուրտ ձմեռ», Սարիկ Անդրեասյանի «Երկրաշարժ» եւ Ջիվան Ավետիսյանի «Վերջին բնակիչը»:

Ազգային կինոակադեմիայի ընտրությունը կատարվել էր երկու փուլով:  Առաջին փուլում «Վերջին բնակիչը» ֆիլմը ստացել էր 7 , «Երկրաշարժ»-ը՝ 5, «Տաք երկիր, ցուրտ ձմեռ»՝ 3 ձայն:  Բոլոր ֆիլմերին դեմ էր քվեարկել 8 հոգի: Մեկ քվեաթերթիկ ճանաչվել էր անվավեր:

Քանի որ առաջին փուլի արդյունքում չէր հաղթահարվել 30 տոկոսի շեմը, անցկացվել էր երկրորդ փուլ, որի արդյունքում «Վերջին բնակիչը» ստացել էր  6 ձայն, «Երկրաշարժ»-ը ՝ 9 ձայն, 9 հոգի էլ քվեարկել է՝ ոչ ոքի:

Սարիկ Անդրեասյանը այսօր իր սոցյալակ էջում հայնել է, որ ֆիլմի մերժվել պատճառն կայանում է նրանում, որ ֆիլմի աշխատակազմում շատ են ռուսները, որն այդքան էլ չի համապատասխանում իրականությանը: Իսկ ԱՄՆ ուղղարկված նամակ դիտարկումը, որ ֆիլմը 90 տոկոսով հայերի նախագիծն է, ինչ-ինչ պատճառներով չի հասել հասցատերերին:

Ազա Ղասաբյան