Սևանում 100 հատ ձկնից 5-ն է 500 գրամանոց, որ 1 ձկան արժեքը 20 000 դրամ դնենք, ո՞վ կգնի․ ձկնորս

Գեղարքունիքի մարզպետ Գնել Սանոսյանի հետ ունեցած երկխոսությունից հետո Սեւան-Երեւան մայրուղին երկկողմանի փակած ձկնորդները որոշ ժամանակ անց  բացեցին այն։ Մայրուղին փակելու պատճառը ձկնորսությամբ զբաղվելու արգելքն էր։ 

«Սիգը շատ-շատ է, էդ ով որ քնից զարթնում, ասում է՝ Սևանի ավազանում մնացել է 1․5 տոննա սիգ, ուղղակի իր մտքով էդ թիվն է անցել։ Առավոտից երեկո մենք էդ ջրում ենք, գիտենք, որ շատ ձուկ կա»,- լրագրողների հետ զրույցում ասաց ձկնորսներից մեկը։

Հունիսի 18-ի Կառավարության  որոշմամբ թույլատրվել է Սևանա լճում սիգ ձկան փորձարարական որս անել,  բայց  միայն այն դեպքում, երբ ձուկը  500 գրամից ոչ պակաս է կշռում։ 1 կգ-ի համար բնօգտագործման վճար է սահմանվել 65 դրամը։

«Սևանում 500 գրամանոց ձուկ 100 հատից 5-ն է։ Հիմա բռնենք 5 հատ ձուկ, 1 ձկան արժեքը 20 000 դրամ դնենք, ո՞վ կգնի»,- նկատեց նա։

Լրագրողի դիտարկմանը, թե նաև մանր ձուկ է որսվում, մինչդեռ երբ այն մեծանա, ավելի շատ օգուտ կտա, ձկնորսն ասում է, թե «իրենք մանր ձուկ չեն բռնում, դա ինքըստինքյան ընկնում է ցանցի մեջ»։

«Դե որ տենց է, թող մեծն էլ չբռնենք, միլիարդավոր գումարի իկրա է թողնում։ Թող գրանատ բերեն գցեն էս ամբողջ Գեղարքունիք մարզը  վերացնենք, քաշվենք մի կողմ»,-վրդովված ասաց նա։

Բնակիչը հայտնեց նաև, որ  որոշում են կայացրել մայրուղին բացել, որովհետև առաջիկա երեքշաբթի օրը պետք է քննարկում լինի և իրենց հուզող հարցերի պատասխանը ստանան։

https://news.am/arm/news/598086.html?fbclid=IwAR3kRxTkSc-F94ry7xeRv3oeXL6XS-4XZgpgwYFVbOBGhdK5wLN6taQfztU

Այս թեմայով 42 hաջողակ կին գործարար 1 մլն դրամ կստանա «Իմ քայլը» հիմնադրամից Ինչու գործի դրվեց «150 դրամ» օպերացիան Հանրապետության հրապարակում ամանորյա համերգի համար հատկացվել է 70 մլն 960 հազար դրամ Հավելյալ 50 միլիոն դրամ՝ ՊՊԾ-ին՝ գործուղումների համար «Քիչ առաջ մեկ տոմսի արժեքը դարձավ 15 հազար դոլար». Նաիրա Զոհրաբյան