Պուտինը կարգավորում է բելառուսական խնդիրը

Ռուսաստանի նախագահ Վլադիմիր Պուտինը Ֆրանսիայի նախագահ Էմանուել Մակրոնի հետ հեռախոսազրույցում ընդգծել է Բելառուսի ներքին գործերին միջամտելու եւ Մինսկի վրա ճնշում գործադրելու անթույլատրելիությունը: Կրեմլի մամուլի ծառայությունը հայտնում է, որ հեռախոսազրույցը կայացել է ֆրանսիական կողմի նախաձեռնությամբ: «Բելառուսում սրված իրավիճակի քննարկման ժամանակ Վլադիմիր Պուտինն ընդգծել է հանրապետության ներքին գործերին միջամտելու եւ բելառուսական ղեկավարության վրա ճնշում գործադրելու անթույլատրելիությունը։ Երկուստեք հետաքրքրություն է հայտնվել առաջացած խնդիրների շուտափույթ կարգավորման հարցում»,- ասված է հաղորդագրության մեջ:

Նկատենք, որ օրվա ընթացքում ՌԴ նախագահը արեւմտյան մի շարք առանքային գործիչների եւ պետություններրի ղեկավարների հետ եւս նման քննարկումներ է անցկացրել՝ զգուշացնելով՝ զերծ մնալ բելառուսական ներքին պայքարին միջամտել։ Իսկ ավելի ռեալ՝ հրաժարվել Բելառուսում «հեղափոխություն» իրականացնելու ծրագրերից։ Պուտինը բելառուսական բողոքի ակցիաների սկզբից ի վեր ակնհայտորեն չեզոք վիճակում էր, սրանով ցույց տալով, որ ՌԴ-ի հետ սուր հակամարտություն սկսած եւ մինչեւ իսկ Մոսկվային բելառուսական վարչակարգը փոխելու ծրագրերի մեջ մեղադրող եւ ՌԴ քաղաքացիներին ձերբակալող Լուկաշենկոն սեփական ուժերով իրավիճակը հարթի, եթե իհարկե այդ ուժերը բավարարեին։ Սակայն եկավ պահը, երբ Լուկաշենկոն անձնական նախաձեռնությամբ կապվեց ՌԴ նախագահի հետ՝ օգնության խնդրանքով։ Սա պարզ ակնարկ էր, որ Բատկան պարզապես հետագա դիմադրությունը ռեալ չէր համարում։ Եվ ահա, երկու-երեք օր տեւած բանակցություններից հետո Պուտինը կտրուկ ակտիվացավ՝ սկսելով կանխել առաջին հերթին եվրոպական ուղղությունից Լուկաշենկոյին ուղղված ծայրահեղ կոշտության հասած ճնշումները։ Ընդ որում, այսօր նաեւ Թրամփը, ով եւս պաուզայի վիճակում էր, խոսեց Բելառուսի հարցով Մոսկվայի հետ բանակցելու հեռանկարից, դրանով ցույց տալով, որ պարզ գիտակցում է, որ իրականում հակամարտությունը ոչ թե Լուկաշենկոյին հանել-չհանելու շուրջ է, այլ հարվածն ուղղված է Մոսկվային։

Մի խոսքով, ակնհայտ է, որ Լուկաշենկոն պայմանավորվածություններ է ձեռք բերել Պուտինի հետ, իսկ թե ինչի շուրջ, դժվար չէ կռահել։ Արդյունքում, ինչպես առիթ ունեցել էինք ենթադրել (https://iravunk.com/news/118726), Լուկաշենկոն կմնա իր դիրքերում, բայց նաեւ, որ արդյունքում կտրուկ կակտիվանան Ռուսաստան-Բելառուս ընդհանուր պետության ծրագրերը։ 

Իսկ որ Նիկոլն այս օրերին մեկը մյուսի ետեւից պրոռուսական ժեստեր է ի ցույց դնում, դա եւս, իհարկե, պատահական չէ։

Քերոբ Սարգսյան