«Իրավիճակը». նոր հաղորդաշար յութուբյան ալիքում

Օգոստոսի 15-ին, Double Frame Production-ի և հաղորդավար Յուրա Վահանյանի համագործակցության արդյունքում, փրադաքշնի յութուբյան ալիքում նոր հաղորդաշար հեռարձակվեց ՝ «Իրավիճակը» անունով։ Հարցազրույց ժանրի այս հաղորդաշարը իր տեսակում թեթև, բայց միաժամանակ ցենզուրայի մեջ և առանց անհամությունների բացահայտելու է հայ հայտնիներին այն կողմից, որին դեռ անդրադարձ չի եղել։

«Չէի էլ կարող ենթադրել, որ Նիկ Էգիբյանը եղել է խուզարկուի դերում ու հետևել է քրոջ ընկերոջը, կամ կարո՞ղ էիք պատկերացնել, որ որևէ հայտնի մեկը կպատմի, թե ի՞նչից է ամենից շատ վախենում, բայց երգիչն անկեղծացավ Իրավիճակում», -  մեզ հետ զրույցում ասաց հաղորդավար Յուրա Վահանյանը։

«Նախագծում շատ հետաքրքիր հյուրեր կլինեն առաջիկայում։ Նկարահանումներն էլ կանցնեն տարբեր լոկացիաներում ու իրավիճակներում»,- փաստում է նախագծի պրոդյուսեր Բորիս Վարդանյանը։

Պրոդյուսերն ու հաղորդավարը նոր մարդիկ չեն հեռուստատեսության ոլորտում, ուստի, գիտակցում և միաբերան կարևորում են թիմային աշխատանքը՝ շնորհակալություն հայտնելով օպերատոր Արմեն Հակոբյան Թամրազյանին, անիմատոր Թաթ Ավագյանին, հնչյունային ռեժիսոր Անահիտ Կարապետյանին և իհարկե առաջին թողարկման հյուրին՝ Նիկ Էգիբյանին, ով խիզախեց, վստահեց թիմին։

«Նոր Իրավիճակներն իրենց սպասեցնել չեն տա»,- ասում է նախագծի պրոդյուսերը, իսկ հերթական Իրավիճակին խորհուրդ է տալիս հետևել փրադաքշնի յութուբյան ալիքում։