Հրապարակվել է Լուկաշենկոյին տապալելու ծրագրի նոր փուլը

Բելառուսական ընդդիմադիրները իրենց սոցիալական ցանցերում եւ մեսենջերներում զանգվածաբար տարածում են գործողությունների նոր ծրագիր մոտ ժամանակների համար: Առաջինը ծրագիրը տարածել են Բելառուսի արեւմտյան հատվածի ազգայնական տրամադրություններ ունեցող ակտիվիստները, որոնց բազմիցս մեղադրել են լեհերի հետ կապերի եւ օտարերկրյա կառույցներից փող ստանալու մեջ ։

«Ընկերներ, կիրակի օրը անհավատալի օր էր, որը կմնա Բելառուսի պատմության մեջ: Ավելի քան 500 000 մարդ հանրահավաքներում՝ ամբողջ երկրում։

Ժողովուրդը հրապարակավ առաջ է քաշել իր պահանջները, իսկ պաշտոնյաներին քիչ ժամանակ է մնացել դրանք կատարելու համար։

Մենք պահանջում ենք անհապաղ ազատ արձակել բոլոր բանտարկյալներին՝ ընտրությունների սկզբից ձերբակալված եւ անհայտ կորածների մասին ճշմարտությունը հայտնել: Մենք պահանջում ենք Լուկաշենկոյի հեռացումը, ինչպես նաեւ արդար եւ բաց դատավարություն պատժիչների եւ սադիստների նկատմամբ։

Վաղը և հաջորդ օրերը, մինչև պահանջների կատարումը. համազգային գործադուլ։

- Կոչ ենք անում բոլոր ձեռնարկություններին կրկնել այն, ինչ նրանք արել են ուրբաթ օրը․ համընդհանուր գործադուլ է հայտարարել։
- Աշխատանքային խմբերին կոչ ենք անում ձևավորել գործադուլային կոմիտեներ, որոնք պաշտոնապես ներկայացնելու են ձեր շահերը:

Ելք դեպի փողոց

- Մինսկ: 10.00։ Եթե Լուկաշենկոն գա ՄԱԿԳ (Մինսկի ավտոտրակտորային գործարան- Խմբ․), ապա մյուս ձեռնարկություններից բոլոր աշխատողներին կոչ ենք անում՝ մոտենալ ձեր գործընկերներին եւ աջակցել նրանց: Արտահայտեք ձեր բոլորի կարծիքը խոշտանգումների և սպանությունների մասին հենց նրա դեմքին:

- 18.00։ Մյուս բելարուսների աջակցությամբ աշխատողները գնում են Անկախության հրապարակ: Այնուհետև նստացույց է, որով ցույց ենք տալիս, որ դուրս ենք գալու ամեն օր և մինչև վերջ ։

- Ամբողջ երկրում, 18: 00: Բոլոր ձեռնարկությունների բանվորներն ու քաղաքի բնակիչները գնում են քաղաքների կենտրոն, որտեղ վերջին անգամ քաղաքապետերին հարթակ են կանչում։ Եթե քաղաքապետը հրաժարվում է հրապարակայնորեն աջակցել ժողովրդական պահանջներին, գործադուլավորները եւ քաղաքի բնակիչները լիարժեք իրավունք ունեն այն այլեւս իշխանություն չճանաչելու համար:

Վաղը շատ բան է որոշվում»։

Ընդգծենք, որ շատ փորձագետներ, այդ թվում՝ բելառուսական մտավախություն են հայտնում, որ բողոքները կարող են ամբողջությամբ գլխավորել տեղի ազգայնական խմբավորումները, որոնք բարձր կազմակերպվածություն ունեն եւ ֆինանսավորում են ստանում արեւմտյան հատուկ ծառայություններից եւ ազդեցության այլ արտասահմանյան կառույցներից: