Ցանկանո՞ւմ եք աշխարհի վերջը, ուղարկեք ցանկացած հրթիռ դեպի Ռուսաստան․ «National Interest»

Անցյալ շաբաթ Ռուսաստանի պաշտպանության նախարարությունում «Կրասնայա զվեզդա» թերթին հայտարարել էին, որ իր տարածք արձակված ցանկացած բալիստիկ հրթիռ կընկալվի որպես միջուկային հարձակում, եւ որ Ռուսաստանը «համարժեք կպատասխանի»: Ռուսաստանի ռազմական ղեկավարության նման դիրքորոշումը «National Interest» պարբերականում մեկնաբանել է ամերիկացի լրագրող Փիթեր Սուչիուն։

«Գեներալ-մայոր Անդրեյ Ստերլինը և գնդապետ Ալեքսանդր Խրյապինը, թերթի մեկնաբանությունում հայտարարել են, որ իրենց զինվորականները հաստատ չեն կարող որոշել՝ արդյոք «մուտքային» բալիստիկ հրթիռը հագեցա՞ծ է միջուկային մարտագլխիկով, թե՝ ոչ։ Արդյունքում՝ որոշում է ընդունվել՝ մոտեցող բոլոր հրթիռները դիտարկել որպես միջուկային և դրանք համարել միջուկային հարվածի սկիզբ։ Հրթիռի արձակման մասին տեղեկատվությունն ավտոմատ կփոխանցվի ռուսական ռազմաքաղաքական ղեկավարությանը, որը կորոշի միջուկային ուժերի պատասխան գործողությունների մասշտաբները՝ կախված ստեղծված իրադրությունից»,- ՌԴ ռազմական ղեկավարության դիրքորոշումը մեջբերելով, լրագրողը հավել է․ «Ցանկանում եք միջուկային պատերա՞զմ սկսել, ուղարկեք ցանկացած հրթիռ է Ռուսաստանի կողմը»։

Լրագրողը նաեւ հիշեցրել է, որ հունիսին Ռուսաստանը հրապարակել է իր դոկտրինը, որը միջուկային զսպման հարցով նախատեսում է ատոմային զենքի օգտագործումը՝ ի պատասխան հարձակման. «Ռուսաստանը կպատասխանի ցանկացած հարձակման, որը սպառնում է պետության գոյությանը»:

«Այժմ հարցն այն է, թե արդյոք Ռուսաստանի նախագահ Վլադիմիր Պուտինն իրենք հանգիստ կպահպանի՞, թե՞ անգամ «մոլորված» հրթիռում նա իրական վտանգ կտեսնի եւ կպատասխանի միջուկային հակահարվածով»,- ընդգծել է Պիտեր Սուչիուն: