Մարգարիտա Սիմոնյանը բելառուս ոստիկանների ֆաշիստների հետ է համեմատել (Տեսանյութ)

RT-ի գլխավոր խմբագիր Մարգարիտա Սիմոնյանը վրդովվել է լրագրողների եւ հասարակ մարդկանց նկատմամբ բելառուսական ուժայինների ավելորդ կոշտ գործողություններից: Նա պատմել է, թե ինչպես են իր աշխատակիցներին բանտարկել, որտեղ նրանք ականատես են եղել չարդարացված դաժանության։ Ավելի վաղ անմեղներին ծեծելը խոստովանել էր հանրապետության ՆԳ նախարարը։ Նշենք, որ այդ գործողությունները իշխանության դեմ տրամադրեցին բելառուսների զգալի մասին, այդ թվում նրանցից շատերը, ովքեր ոչ մի մայդանի մասին չէին մտածում եւ չէին պատրաստվում դուրս գալ բողոքի ակցիաների: 

«Ձեր բողոքավորներին ես, օրինակ, ավելի շատ չեմ հավատում, քան ձեզ։ Ես հիմքեր չունեմ նրանց հավատալու, ինչպես՝ ձեզ հավատալու։ Իսկ չհավատալու հիմքեր կան»,- գրել է Մարգարիտա Սիմոնյանը՝ Բելառուսի ՆԳՆ փոխնախարարին հղած ուղերձում։ «Բայց ես հավատում եմ իմ լրագրողներին, որոնք ոչ թե կարմիր եւ ոչ թե սպիտակ են, այլ արել են իրենց աշխատանքը, եւ բռնվել են ձեր կողմից։ Որոնց դուք ծեծել մեկուսարանում։ Չեք կերակրել երեք օր։ Ովքեր տեսել են, թե ինչպես եք ծեծել ուրիշներին։ Այդ թվում՝ մարդկանց, որոնք պարզապես անցել են կողքով, որոնք չեն մասնակցել բողոքի ցույցերին։ Ծեծել եք աննպատակ, բայց համակարգված, ամեն օր, դաժան։ Եվ սովով, հիշեցնում եմ, տանջել եք»,- ընդգծել է նա ։

RT-ի գլխավոր խմբագիրը դիմել է Բելառուսի ներքին գործերի նախարարի տեղակալ Ալեքսանդր Բարսուկովին, ով ավելի վաղ հայտարարել էր, որ Մինսկի քննչական մեկուսարանում ոչ ոքի չեն ծեծել: «Հիշեցրեք, թե վերջին անգամ ե՞րբ են Բելառուսում գերիներին ծայրահեղ տանջանքների ենթարկել եւ սովամահ արել»,- հարց է տվել նա փոխնախարարին՝ ակնարկելով գերմանաֆաշիստական օկուպացիայի ժամանակները։ «Ընդհանուր առմամբ, դուք կամ պարզեք, թե ինչ ֆաշիստներ են հավաքվել քննչական մեկուսարանում, կամ լռեք։ Այլապես տգեղ է ստացվում։ Հակառակ դեպքում ստացվում է, որ Դուք եք նույն ֆաշիստը»,- ամփոփել է Սիմոնյանը։