Մինսկում կրակոցներ և պայթյուններ են եղել

Գրեթե ողջ գիշեր Բելառուսի տարբեր քաղաքներում եւ հատկապես՝ մայրաքաղաք Միսկում շարունակվել են ցուցարարների եւ ուժայինների բախումները։ 

Մինսկի Սերեբրյանկի միկրոշրջան ակցիաներից մեկի էպիկենտրոնն էր, որտեղ ցուցարարները փորձում են բարիկադներ սարքել: Սերեբրյանկում կեսգիշերից հետո պայթյուններ և կրակոցներ են լսվել, միկրոշրջանում մեծ թվով ՕՄՕՆ-ական, ինչպես նաև շտապօգնության մեքենաներ տեղակայվել: Սոցցանցերում հայտնում են մեծ թվով տուժածների մասին:

Կամեննայա գորկա և Ուրուչյե միկրոշրջաններում, որտեղ երեքշաբթի երեկոյան նույնպես բողոքի ակցիաներ էին անցկացվել, ուժայինները ցուցարարներին ցրել են:

Հատուկջոկատայինները Ռոկոսովսկի պողոտայում խուզարկել են կայանված մեքենաները՝ փնտրելով վտանգավոր նյութեր: Մայրաքաղաքի այդ հատվածը ՕՄՕՆ-ը բավականին արագ հսկողության տակ առել: Սակայն, ըստ լրատվամիջոցների, ընդդիմադիր շարժման ներկայացուցիչները հարձակում են գործել ոստիկանական ավտոբուսի վրա և կոտրել դրա ապակիները: 

Կեսգիշերից միայն ժամեր անց Բելառուսի ուժային կառույցներին հաջողվել է հանդարտեցնել իրավիճակը եւ լքել են մայրաքաղաք Մինսկը: Փողոցներից հանել են շրջափակումը, վերականգնվել է հիմնական մայրուղիներով տրանսպորտային երթևեկությունը:

Միևնույն ժամանակ հաղորդվում է, որ երեկ երեկոյան մի քանի հարյուր ցուցարար արդեն երրորդ անգամ հավաքվել է Մոսկվայում Բելառուսի դեսպանատան մոտ: