«Հիմա գիտենք ճշմարտությունը»․ Բայդենը քննադատել է Լուկաշենկոյին

ԱՄՆ նախագահի դեմոկրատական կուսակցության թեկնածու Ջո Բայդենը մեկնաբանել Է Բելառուսում ընտրությունների արդյունքներն ու բողոքի ցույցերը:
«Ես աջակցում եմ նրանց, ովքեր կոչ են անում թափանցիկ եւ ճշգրիտ հաշվարկ կատարել եւ ազատ արձակել բոլոր քաղբանտարկյալներին։ Ես նաեւ կոչ եմ անում նախագահ Լուկաշենկոյին հարգել խաղաղ ցուցարարների իրավունքները եւ զերծ մնալ հետագա բռնություններից»,- Բայդենի գրավոր հայտարարությունը մեջբերում է «ՌԻԱ Նովոստին»:
Ավելի վաղ Լուկաշենկոյին քննադատել եւ իշխանությունը «հեղափոխականներին» հանձնելու կոչեր էին հնչեցրել նաեւ ամերիկյան Կոնգրեսի ուլտրալիբերալ թուի Բայդենի թիմակիցները։
«Բելառուսի ժողովուրդը պահանջում է, որ իր ձայնը լսեն նախագահ Ալեքսանդր Լուկաշենկոյի ռեժիմի օրոք 26 տարվա սիստեմատիկ բռնաճնշումներից հետո։ Կեղծիքներով մթագնած նախագահական ընտրություններից հետո քաղաքացիները խաղաղ բողոքում են, որպեսզի պահանջեն ձայների ճշգրիտ հաշվարկ, իսկ նրանց դիմավորում է հատուկ նշանակության ջոկատը՝  օգտագործելով աղմկոտ նռնակներ, արցունքաբեր գազ եւ ռետինե փամփուշտներ»,- շարունակել Է Բայդենը ։
Նրա խոսքով՝ «Լուկաշենկոյի ռեժիմն անջատել է համացանցը, ձերբակալում ցուցարարներին եւ անկախ լրագրողներին եւ փորձել է լռեցնել օտարերկրյա դիտորդներին»:
Բայդենը հավելել է, որ շնորհիվ լրագրողներին եւ ակտիվիստներին՝ «Մենք այժմ գիտենք ճշմարտությունը հարձակումների եւ ժողովրդավարության վրա, որոնք իրեն թույլ է տալիս ռեժիմը».