«Ատլետիկոյի» ֆուտբոլիստների մոտ կորոնավիրուս է հայտնաբերվել

Մադրիդի «Ատլետիկոյի» հիմնական թիմի 2 ֆուտբոլիստներ վարակվել են կորոնավիրուսով, հայտնում է ակումբի պաշտոնական կայքը։

Ֆուտբոլիստների անունները չեն հրապարակվել:

«Հիմնական թիմի բոլոր անդամները, ինչպես նաև մարդիկ, որոնք գտնվում են Լիսաբոն մեկնող պատվիրակության ցանկում, նախօրեին հանձնել են կորոնավիրուսի թեստեր, որոնց արդյունքում հայտնի է դարձել, որ վիրուսով վարակված են 2 խաղացողներ: Նրանք այժմ ինքնամեկուսացված են, և մենք այդ մասին տեղեկացրել ենք համապատասխան մարմիններին: Արձանագրությունում գրված է, որ ամբողջ թիմը պետք է նոր թեստեր հանձնի, ու դա անպայմանորեն կանդրադառնա մարզումների, ուղևորությունների և Պորտուգալիայում ընդհանուր գրաֆիկի վրա»,- նշված է ակումբի հայտարարության մեջ:

Հիշեցնենք, որ օգոստոսի 13-ին, Չեմպիոնների լիգայի 1/4 եզրափակիչում «Ատլետիկո Մադրիդը» մրցելու է «Ռեդ Բուլ Լայպցիգի» հետ։
Հանդիպումը կայանալու է Պորտուգալիայի մայրաքաղաք Լիսաբոնում։