Կիեւում ընդդիմության գրասենյակի մոտ ռումբ են գտել

Անվտանգության ծառայության ներկայացուցիչներն առավոտյան պայթուցիկ սարք են հայտնաբերել շենքի մուտքի դիմաց կայանատեղիում, որտեղ տեղակայված է՝ Կիեւում «Հանուն կյանքի ընդդիմադիր հարթակը» (ՀԿԸՀ) կուսակցության գրասենյակը:

- Ուկրաինայի Ազգային ոստիկանության օպերատիվորեն ժամանած պայթյունատեխնիկները տեղում՝ հատուկ կոնտեյներում, հիդրահարվածի մեթոդով վնասազերծել են պայթուցիկ սարքը, — հաղորդվում է ՀԿԸՀ-ի պաշտոնական կայքում:

Կուսակցությունում տեղի ունեցածը գնահատել են որպես քաղաքական դրդապատճառներով ահաբեկչության փորձ։ Այնտեղ հավելել են, որ ՀԿԸՀ-ի վրա հարձակումները համակարգային բնույթ են կրում, իսկ ազգային-ռադիկալ ուժերի ներկայացուցիչները բազմիցս խոսել են կուսակցության ղեկավարության ֆիզիկական ոչնչացման ծրագրերի մասին:

Ավելի վաղ Պոլտավայում «ընդդիմադիր պլատֆորմ՝ հանուն կյանքի» կուսակցության գրասենյակ անհայտ անձը նռնակ էր նետել: Դիմակով մարդը մոտեցել է գրասենյակի առաջին հարկում բացված պատուհանին եւ նրա վրա արկ է նետել։ Կուսակցության քարտուղարը հրաշքով ողջ է մնացել, քանի որ դեպքի պահին գտնվել է մեկ այլ շենքում։