Լիբանանում իրավիճակը կտրուկ սրվեց. Արման Աբովյան

Լիբանանում իրավիճակը կտրուկ սրվեց։ Այս մասին տեղեկացնում է ԱԺ «Բարգավաճ Հայաստան» խմբակցության քարտուղար ԱՐՄԱՆ ԱԲՈՎՅԱՆԸ եւ մանրամասնում. «Տասնյակ հազարավոր մարդիկ, դուրս են եկել փողոց եւ պահանջում են կառավարության հրաժարականը։ Ցուցարարները գրավել են մի քանի կառավարական շենքեր, օրինակ, լիբանանյան՝ ԱԳՆ-ի եւ Տնտեսության Զարգացման նախարարությունները։ Բանակը լծված է ցուցարարներին վերահսկելուն, արդեն կա տեղեկություն, որ զինվորականները՝ օդ կրակ են բացել։ Ցավոք, այս զարգացումները սպասելի են եւ գրեթե անխուսափելի, քանզի նույնիսկ մինչև ավերիչ պայթյունը, Լիբանանը գտնվում էր ծանրագույն տենտեսական եւ սոցիալական կոլապսի մեջ։

Բեյրութում ավերիչ պայթյունը պարզապես շատ արագացրեց՝ լիբանանցիներից վաղուց ակնկալվող դժգոհության պորթկումը։ Իհարկե, այս ամենը նաեւ խրախուսվում է թե՛ ներքին քաղաքակական տարբեր ուժերի կողմից, թե՛ արտաքին խաղացողների «թեթև ձեռքով»։ Թուրքիա եւ Իսրայել, Ֆրանսիա եւ ԱՄՆ, Իրան եւ Մերձավոր Արեւելքի պետություններ, Ռուսաստան ևեւ Չինաստան...բոլորը այս կամ այլ կերպ ներկայացված են լիբանանյան քաղաքական դաշտում, մի խոսքով՝ գրեթե բոլոր խոշոր աշխարհաքաղաքական կենտրոնները ներքաշված են լիբանանյան քաղաքական «շիլա-փլավի» մեջ։

Առանձին կընդգծեմ աշխարհիկ կուսակցությունների եւ արմատական «Հեզբոլլա» խմբավորման միջեւ տեղի ունեցող մրցակցությունը, որը Լիբանանում կրում է շատ սուր եւ սկզբունքային բնույթ։ Մենք հայերս եւ Հայաստանի Հանրապետությունը, որպես բոլոր հայերի անվտանգությունը երաշխավորող գլխավոր քաղաքական ինստիտուտ, պետք է հասկանանք, որ ուղղակի պարտավոր ենք անել հնարավորն ու անհնարը, որպեսզի ապահովենք լիբանանահայերի անվտանգությունը։ Եղանակները տարբեր են եւ չի կարելի ժամանակ կորցնել, այլ հարկավոր է արդեն այսօր հստակ մշակել մեր արձագանքման ամենաարդյունավետ եղանակները»։

Որպես հետգրություն՝ Աբովյանը հավելել է. «Եվ ի վերջո, պետք է դուրս գալ՝ Հայաստանում անիմաստ եւ անհասկանալի այլազգիների բնակելու «առաջարկներից» եւ կոնցենտրացվել միայն ու միայն հայակենտրոն եւ հայապահպան ծրագրերի մշակման եւ իրագործման շուրջ, հակառակ դեպքում՝ արդեն լրիվ՝ «աննորմալի» տպավորություն ենք թողնում»։