​​​​​​​Հայտնի բռնցքամարտիկը եւ այլ սփյուռքահայեր միավորվել են՝ հանուն Տավուշի սահմանամերձ տների հիմնանորոգման

Տավուշի մարզի սահմանամերձ գյուղերի վրա թշնամու կողմից իրականացրած հրետակոծությունները հայության համախմբման եւ մեր հայրենակիցներին օգնության հասնելու կարեւոր ազդակներ դարձան։

Նիդեռլանդների եւ Բելգիայի Թագավորություններում բնակվող մեր հայրենակիցների՝ ՋՈՒԼԻԱ ԶԱԽԱՐՅԱՆԻ, ՀՈՎՍԵՓ ՄԱԴՈՅԱՆԻ, ԳՈՀԱՐ ՍՈՒՔԻԱՍՅԱՆԻ, ԷԴԳԱՐ ՄԻՆԱՍՅԱՆԻ, ՍՎԵՏԱ ՍՈՒՔԻԱՍՅԱՆԻ, ինչպես նաեւ բռնցքամարտիկ ԵՂԻՇ ԵԳՈՅԱՆԻ եւ այլ նվիրյալ մարդկանց նախաձեռնությամբ հասարակական գործիչ ՄԱՄԻԿՈՆ ԽՈՒՐՇՈՒԴՅԱՆԻ միջոցով Տավուշի մարզպետարանին փոխանցեցին շուրջ 2 000 000 դրամի փայտ եւ թիթեղներ՝ Չինարի եւ Այգեպար գյուղերի վնասված տների տանիքները հիմնանորոգելու համար։ Շինանյութի ձեռքբերման հարցում աջակցություն են ցուցաբերել նաեւ Եղիազար Եղիազարյանը եւ «Սթիլ» կոնցեռնը։

Մամիկոն Խուրշուդյանի խոսքով՝ այս համագործակցությունը կրում է շարունակական բնույթ եւ Տավուշի մարզպետի օգնական ՄԵՐՈՒԺԱՆ ՀԱՐՈՒԹՅՈՒՆՅԱՆԻ հետ քննարկում են ոռոգման ջրի համար նախատեսված խողովակների ձեռքբերման հարցը, որը կրկին շատ շուտով կդառնա իրականություն։

Նշենք, որ Նիդերլանդաբնակ հայազգի բռնցքամարտիկ ԵՂԻՇԵ ԵԳՈՅԱՆԸ ծնվել է Գյումրիում: 8 տարեկան է եղել, երբ ընտանիքի հետ տեղափոխվել է Հոլանդիա եւ մինչ օրս բնակվում է Նիդերլանդների Թագավորության երկրորդ ամենամեծ քաղաքում` Ռոտերդամում.
12 տարեկանից սկսած 5 տարի անընդմեջ զբաղվել է Ձյուդո մարզաձեւով, իսկ 17 տարեկանից մինչ օրս զբաղվում է Քիք – Բոքսինգով: Քիք - Բոքսինգ մարզաձով 82 կգ քաշային կարգում` WMTA վարկածով դարձել է Հոլանդիայի չեմպիոն,  95 + կգ քաշային կարգում «SuperKombat World Grand Prix» մրցաշարի հաղթող է: 2015 թ. փետրվարի 7 - ին` Հոլանդիայի Այնդհովեն քաղաքում «Enfusion» կազմակերպության կողմից կազմակերպված մրցաշարի ժամանակ հանդես է եկել K - 1 վարկածով եւ հաղթանակ տարել Հոլանդիան ներկայացնող մարտիկ` Դենիս Ստոլզենբաչի նկատմամբ: