Հայ-ռուսական հարաբերությունների դեմ պայքարում են թուրքերը. Մենուա Հարությունյան

«Լիբանանը արագ զարգանում էր, իսկ Բեյրութը համարվում էր Արեւելքի Փարիզը, այլ կերպ ասած, երբ Բեյրութը արաբական աշխարհի մարգարիտ էր համարվում Դուբայը դեռ անապատ էր, բայց ինչու ամեն բան այսպես փոխվեց ու Լիբանանի ժողովուրդը սկսեց տառապանքների միջով անցնել ու դեռ անցնելու է ցավոք…

Լիբանանը զարգանում էր, քանի դեռ չէր դարձել աշխարհաքաղաքական բեւեռների միջեւ կիզակետ, բայց Լիբանանի իշխանությունների սխալների արդյունքում, այս գեղեցիկ պետությունը դարձավ թատերաբեմ ու սկսեց քանդվել…

Հիշում եք «Սասնա ծռերի» ՊՊԾ գունդը գրավելու օրերին նախագահ Սերժ Սարգսյանը հայտարարեց, որ Երեւանը երբեք չպետք է դառնա Բեյրութ եւ բազում տգետներ եւ գրանտ ծծողներ սկսեցին շահարկել նախագահի խոսքը չհասկանալով՝ ինչ նկատի ուներ նախագահը, իսկ գրանտ ծծողներն էլ հասկանալով սկսեցին հակառակվել, քանզի իրենց՝ Արեւմուտքը Երեւանը հենց Բեյրութ դարձնելու համար է լափ տալիս…

Ցավոք, Նիկոլն ու յուր գրանտ ծծողները Հայաստանը դարձրեցին աշխարհաքաղաքական բեւեռների միջեւ ընթացող պայքարի թատերաբեմ, իսկ Երեւանը՝ Բեյրութ, բայց քանի դեռ Ռուսաստանը վերջնականապես չի հիասթափվել եւ լքել մեզ կամ նիկոլններին չի հաջողվել վերջնականապես ավիրել հայ-ռուսական բարեկամությունը հնարավոր է խուսափել այն ամենից ինչ կատարվում է Լիբանանում, դրա համար օր առաջ պետք է իշխանությունից հեռացնել նիկոլներին եւ իշխանության բերել հայ-ռուսական հարաբերությունների ջատագով ուժերի, ամուր կառչել հայ-ռուսական հարաբերություններից եւ պետական մակարդակով որպես մեր պետության թշնամիներ պատժել բոլոր նրանց, ովքեր պայքարում են հայ-ռուսական հարաբերությունների դեմ…Եվ հիշեք հայ-ռուսական հարաբերությունների դեմ պայքարում են թուրքերը…», - այս մասին գրում է քաղաքական մեկնաբան ՄԵՆՈՒԱ ՀԱՐՈՒԹՅՈՒՆՅԱՆԸ: