XXI ԴԱՐԻ ԵՆԻՉԵՐԻՆԵՐԸ

Լրատվականները հաղորդում են, որ Հ1-ի հաղորդավար, լուրերի գլխավոր խմբագրի ժամանակավոր պաշտոնակատար Լեւոն Սարդարյանը, օրերս անդրադառնալով օգոստոսի 4-ին Բեյրութում տեղի ունեցած ահասարսուռ պայթյունին, որը համարվում է մարդկության պատմության մեջ ոչ միջուկային ամենզհուժկու եւ սարսափելի պայթյուններից մեկը, գրել է, որ «Բեյրութում ցույց տվեցին, թե ինչպես պետք է պայթեցնել Ձյունիկի շենքը»: Ծայրահեղ ցինիզմեւ մարդատյացություն: Այդպիսին է այս խունտայի դեմքը, եւ տեսնելով այդպիսի մոտեցումը, հասկանում ես, թե ինչպես բարեկիրթ Գերմանիայում նացիստների օրոք սկսեցին մարդկանց մաշկից լուսամփոփ սարքել:

ՆՈՐ ՍԵՐՆԴԻՆ ԴԱՍՏԻԱՐԱԿՈՒՄ ԵՆ ՈՐՊԵՍ ԹՈՒՐՔ

Ինչպե՞ս էր գործում ենիչերիների ինստիտուտը Օսմանյան կայսրությունում: Հայերի եւ այլ Արի ազգերի ընտանիքներից տղաներին առեւանգում էին ու դաստիարակում որպես թուրք: Ստացվում էին թուրքական դաժանությամբ եւ նենգությամբ օժտված, բայց միաժամանակ գենետիկայի զորությամբ քաջ եւ խիզախ ասկյարներ, ովքեր բազմապատիկ ավելի վտանգավոր էին բուն թուրքերից, ում սովորույթն է բորենու ոհմակով հարձակվել անզենների վրա: Սերմնագողությունը մեր թշնամիների ավանդական զենքն է, հիշենք թեկուզ մահամերձ Սասնա Դավթի խոսքը. «Իմ ցեց իմ անձից է, իմ սերմն ինձ սպանեց»: Հիշենք նաեւ, որ Բելը կիսով չափ հայկական արյուն ուներ...

Սակայն XXI դարում սերմնագողության տեխնոլոգիան կատարելագործվել է: Եթե հազարամյակներ շարունակ թշնամի տեսակները ձգտում էին հայից ստանալ խառնածին ժառանգներ, իսկ միջնադարում թուրքն առեւանգում էր հայերի արու զավակներին, ապա այսօր սրընթաց տեմպերով Հայաստանի դպրոցները փոչձում եմ վերածել ենիչերիների, կամ Բելի ճտերի դարբնոցների... Ահա ինչ զարհուրելի իրողություն է արձանագրում քաղաքագետ Գեղամ Պետրոսյանը. «Մարիա Կարապետյանը եւ Սոս Ավետիսյանը պետք է վայր դնեն իրենց մանդատները»: Նույն անձերը թուրքերի հետ համատեղ հրատարակել են դպրոցում պատմության դասավանդման վերաբերյալ ուղեցույցներ, որտեղ Հայկական լեռնաշխարհի փոխարեն գրել են Անատոլիա եւ Կովկաս, ինչպես` թուրքերը: Քննադատել ու մեղադրել են հայ դպրոցական դասագրքերի հեղինակներին, որ պատմական Հայաստանի վրա գրել են` Հայաստան, այլ ոչ թե Թուրքիա եւ Իրան: Մեղադրել են, որ 2016 թ.-ի ապրիլյան մեր հաղթանակը ներկայացրել ենք պատմության դասագրքերում եւ վրդովվել, թե ինչի ենք ադրբեջանցիներին մեզ թշնամի համարում: Բողոքում են թե, ինչո՞ւ է մեր պատմության դասագրքերում թուրքը ներկայացվում թշնամու կերպարով: Այս ամենը ոչ այլ ինչ է, քան սրբապղծություն Հայաստանի Հանրապետության, Արցախի Հանրապետության , մեր ազգային արժեքների, Եղեռնի զոհերի, Արցախյան ազատագրական ու Ապրիլյան պատերազմի հերոսների հանդեպ»:

Հիշեցնենք, որ Մարիա Կարապետյանը ԱԺ-ում տրանսգենդերի ելույթի կազմակերպիչն էր, իսկ Սոս Ավետիսյանը սորոսական բուրգի ոչ պաշտոնական, սակայն շատ ազդեցիկ կուրատորներից մենկն է, եւ անգամ հարց է` նա՞ է ավելի ազդեցիկ, թե՞ Լարիսա Մինասյանը... Այսինքն` սրանք, անշուշտ Նիկոլի գիտությամբ եւ զորակցությամբ, մշակել են կրթական հայեցակարգ, որով հայ դպրոցականից պիտի թուրք կերտեն: Իսկ Լանզարոտեի եւ Ստամբուլյան կոնվենցիաները կոչված են ոչ միայն պղծելու մանուկներին, այլեւ առավելագույնս կտրելու ծնողների եւ ընտանիքի ազդեցությունից: Որպեսզի ընտանիքը չարթնացնի հայ մանուկի գենետիկ հատկությունները եւ չխանգարի նրանից այլասերված թուրք կերտելու... Սա ավելի հրեշավոր ոճիր է, քան 1915-ի ցեղասպանությունը, քանզի այժմ ուզում են ցեղասպանել ոչ թե մարմինները, այլ հոգիները: Եվ երբ սորոսականներն ասում են, որ թուրքական բանակը չի ներխուժի Հայաստան` կոտորելու ՀՀ բնակչությանը, ճիշտ են ասում, բայց` միայն ճշմարտության կեսը: Ինչո՞ւ ներխուժեն, եթե 10 տարի հետո լինելու է որպես թուրք մեծացած ու դաստիարակված սերունդ:

ԸՄԲՈՍՏՈՒԹՅՈՒՆԸ ՄԱՐԵԼ ԱՅԼԵՎՍ ՈՒՇ Է

Այս ամենի առնչությամբ լեգենդար հետախույզ Գեւորգ Գեւորգյանը նկատում է. «Բաց հասարակությունների` գլոբալիզմի դրածոները, 2 տարի է մեր երկրի իշխանության կարեւորագույն օղակներում են, որպեսզի տարատեսակ «բարեփոխումներով» հիմնահատակ ջնջեն ազգայինը: Քանդում են հայ դպրոցը, աղավաղում են հայագիտությունը, նսեմացնում են մեր մշակույթը, պղծում ու «սրբագրում» են մեր պատմությունը, վարկաբեկում Հայ առաքելական եկեղեցին, փորձում են թուլացնել Բանակը: Ապազգայինները համակարգված աշխատում են` լծված պետականաքանդ գործին, լավ հաշվարկված ջանքեր են գործադրում Հայաստանը վերածելու փորձադաշտ-տարածքի: Բայց այդ հաշվարկներում մոռացել են ամենագլխավորը` մենք ազգային ինքնության պահպանման գերբնական ուժ ունեցող ԱԶԳ ենք, այդ ուժի շնորհիվ ենք հազարամյակներ հարատեւում եւ, որ այդ ուժը ոչ միայն հարատեւման, այլեւ ապազգայիններից երկիրը ազատելու համար է»:

Եվ նման է, որ պղծարյուն խունտայից ազատագրվելու մեծ ըմբոստության կայծերը գեներացվում են Ամուլսարի չոր քարերի մատույցներում, եւ այդտեղից է բռնկվելու ընդվզման հրդեհը...

Եվս մեկ ամսով արտակարգ դրությունը երկարացնելը, իսկ այնուհետ ԱԺ-ով առանց արտակարգ դրության խաղաղ հավաքներն արգելելու ծրագրերի մշակման նպատակը պարզ է: Այն է` կանխել Երեւանում մեծ ցույցերի մեկնարկը: Սրանք այնքան են ցինիկացել, որ կլոուն Հայկոն արդեն ինքն է բետոնապատում Մաշտոցի պուրակը, որի համար ժամանակին իբր թե պայքարում էր: Սակայն Ամուլսարում չի դադարում բնապահպան ցուցարարների եւ ոստիկանության հակամարտությունը, թեեւ ոստիկանությունը շատ բիրտ է գործում: Խորհրդանշական է, որ ոստիկանները միաժամանակ ձերբակալեցին ապրիլյան պատերազմի հերոսներից մեկին, թշնամու երեք տանկ ոչնչացրած, Մարտական Խաչի շքանշանակիր Ռաֆայել Հովհաննիսյանին եւ ԵՊՀ Ուսանողության հետ աշխատանքի կենտրոնի տնօրեն Վահագն Վարագյանին, ումից վարչախումբը ոչ մի կերպ չի կարողանում ձերբազատվել: Պատերազմի հերոսը եւ ուսանողության հարգանքը վայելող երիտասարդ ՀՀԿ-ական գործիչը` Ամուլսարի առաջնագծում, սինթեզ, որը մահացու վտանգ է խունտայի համար: Ի դեպ, նկատվում է ՀՀԿ կառույցների կազմակերպչական ակտիվության կտրուկ աճ, եւ դրան խունտան արձագանքում է ստանդարտ ստոր ձեւով: Ինչպես նկատում է Արմեն Աշոտյանը. «Սերժ Սարգսյանի նկատմամբ գործեր սարքելու մոլուցքի շրջանակներում կալանավորել են Ռոբերտ Նազարյանին, ով հրաժարվել է Նիկոլի քյանդրբազների կողմից հորինված եւ պարտադրվող կեղծ ցուցմունք տալ երրորդ նախագահի դեմ: Նման գործերի բաղադրատոմսը շատ պարզունակ է: Ընտրվում է հերթական թիրախը, հարուցված որեւէ գործի շրջանակներում մարդկանց վրա ճնշում է գործադրվում «ցուցմունք ազատության դիմաց» բանաձեւով իրենց սուտ մեղադրանքը սարքելու համար: Եվ շոուն պատրաստ է: Այս բանաձեւը աշխատում է, երբ դիմացինը թույլ եւ բարոյականության հետ խնդիրներ ունեցող մարդ է: Սակայն Ռոբերտ Նազարյանն ապացուցում է, որ Հայաստանում կան, եղել են եւ կլինեն անկոտրում, բարոյական եւ պինդ տղերք, ում ապրած կյանքը եւ սկզբունքերը նիկոլական թայֆեն փուռը տալ չի կարող»:

Սակայն խունտայի գնացքն արդեն գնացել է: Վաղ թե ուշ ոստիկանությունն Ամուլսարում համը հանելու է, եւ Երեւանում անկախ արգելքներից զանգվածային բողոքների բռնկումը դառնալու է անխուսափելի: Եվ Աստված հեռու պահի Նիկոլին արյուն թափելու գայթակղությունից...

ՀՈՎՀԱՆՆԵՍ ԳԱԼԱՋՅԱՆ