Ոստիկանները ծանոթ-բարեկամներին չեն տուգանում և դիմակ չեն կրում.ահազանգ

Այսօր վաղ առավոտյան «Իրավունք» թերթի խմբագրություն ահազանգ է ստացվել այն մասին, որ «Նոր Հայաստանում» հասարակ քաղաքացիները ոչ ավել, ոչ պակաս տուգանքի մատերիալ են, իսկ ահա ոստիկանների ծանթ-բարեկամ քաղաքացիները՝ ոչ:
Ահազանգող տղամարդը Իջևան քաղաքի բնակիչ էր, ահա թե ինչ է պատմում նա.
«Դիմակս հանեցի, որ ջուր խմեմ, անմիջապես ոստիկանները նկատեցին, մոտեցան ինձ: Ինչքան փորձեցի բացատրել, որ ծարավ եմ, ամառվա շոգին ուզում եմ մի կում ջուր խմեմ, չստացվեց: Հայաստանը ֆաշիստական երկրի է վերածվել :Մարդկանց մեջ մեռել են մարդակային բոլոր հատկանիշները: Մի խոսքով ինձ տուգանեցին ու ես շարժվեցի դեպի տուն, ոստիկաններն էնքան էին ուրախացել, որ տուգանեցին ինձ, որ հրճվանքից անգամ մոռացան իմ մասին...
Էդ պահին նույն ոստիկանները հանդիպեցին երկու հոգու, որոնք «նագլի» դիմակ չէին դրել:

Մի քիչ էն կողմ, էն եմ լսում, որ սրանցից մեկը ոստիկանի քենին ա, մեկն էլ քենու հարևանը :Ու էստեղ թագավորի տղեն իր մատը կծեց , ինչ տուգանել ինչ բան:
Ոնց ես, ոնց չես, էրեխեքը ոնց են, դե հաջող գնացինք: Ոչ ոք չտուգանվեց:
Փաստորեն, Նիկոլի թավիշն էս էր ենթադրում:»
Քաղաքացին նաև նշում է, որ քիչ հեռու տեսել և լուսանկարել է մեկ այլ ոստիկանի, ով դիմակը քթից ներքև է իջեցրել, որն էլ հավասարազոր է դիմակ չկրելուն:
Հ.Գ
Այսինքն մերօրյա ոստիկանները տուգանում են դիմակ չկրելու համար, սակայն իրենք ևս դիմակ չեն կրում:
Տեղեկացնենք, նաև որ քաղաքացիներից շատերը վերջին շրջանում սկսել են համատարած բողոքել ոստիկանների «խուժան» բառապաշարից: Շատերը նշում են, որ ոստիակնները «Արա հլը կայնի» նախադասությունն են կիրառում, իսկ շատերն էլ նշում են, որ ոստիկանը քաղաքացուն դիմում է ԴՈՒ-ով, մինչդեռ քաղաքակիրթ աշխարհում, ըստ էթիկական նորմերի անծանոթին ընդունված է դիմել ԴՈՒՔ-ով:

Հայկ Գևորգյան