Կարծես՝ 37 թիվն է կրկնվում. «Արշակ Դաբաղյանի անվան Մայր Մանե» ՀԿ-ի ղեկավար Մանուշակ Ստեփանյանը ՀՀ-ում ազատ խոսքի մասին

«Հանրակրթության պետական առարկայական չափորոշիչների եւ օրինակելի ծրագրերի» նախագծի, «Հայ գրականություն» առարկայից «հայ» բառը հանելու, դպրոցական ծրագրից նշանավոր հայ հեղինակների` ինչպիսիք են Մովսես Խորենացին, Եղիշեն, Մեսրոպ Մաշտոցը, Գրիգոր Նարեկացին, Մխիթար Գոշի գործերը փոխարինելու օրինակ` Պրոսպեր Մերիմեի «Կարմենը», Արմեն Օհանյանի «Կիկոսի վերադարձը» ժողովածուով եւ այլ խնդրահարույց հարցերի շուրջ այսօր «ԱԶԱՏ ԽՈՍՔ» հեղինակային հաղորդման շրջանակներում զրուցել են հաղորդման հեղինակ եւ վարող Գայանե Զարգարյանը եւ հաղորդմանը հյուրընկալված «Արշակ Դաբաղյանի անվան Մայր Մանե» ՀԿ-ի ղեկավար Մանուշակ Ստեփանյանը:

Մինչ բուն հարցերին անդրադառնալ հաղորդման հեղինակը նախ հնչեցրել է հաղորդման ավանդական դարձած հարցը.

-Տիկին Ստեփանյան, այսօր ՀՀ-ում կա՞ ազատ խոսք, թե՞ ոչ: Առհասարակ որքանով է վտանգված ազատ խոսքն այսօր:

- Ինձ համար ազատ խոսքը միշտ կա, որովհետեւ եթե մարդը ազնիվ է ապրում նա երբեք չի խուսափի ազատ խոսքի իրավունքից: Բայց, իհարկե, այսօր կան շատ ազնիվ մարդիկ մեր կողքին, ովքեր խուսափում են իրենց խոսքը բարձրաձայնելուց:

- Ինչո՞ւ:

- Որովհետեւ, ցավոք սրտի, այսօր կարծես թե 37թիվն է կրկնվում: Եթե 37 թվականին նվիրյալ մարդկանց աքսորում էին եւ համարում ազգի դավաճաններ, ապա այսօր եթե մի կարգին հայորդի բարձրաձայնում է հայոց ցավը, որն այսօր առկա է` նրանք դառնում են ինչ-որ «ականներ»: Հետեւաբար, սա փաստում է, որ ազատ խոսքի իրավունքը բացարձականապես բացակայում է մեր Հայաստանում:

Մանրամասները «ԱԶԱՏ ԽՈՍՔ» հեղինակային հաղորդման ամբողջական եթերում