Ժարգոնային լեզուն ներառում են դպրցական դասագրքերում. Ի՞նչ դիրքորոշում է ունի լեզվի կոմիտեն

Օրեր առաջ «Իրավունք» թերթը գրավոր հարցմամբ դիմեց ԿԳՄՍ լեզվի կոմիտեի նախագահ Դավիթ Գյուրջինյանին, ուղղելով հետևյալ հարցը.

Ֆեյսբուք սոցիալական տիրույթում բավականին ակտիվ եք: Պատրաստում եք բազմաթիվ հորդորակներ, անգամ վերջերս գիրք հրատարակեցիք «Հանուն մեր նյարդերի» վերանգրով, որտեղ ամփոփել եք ձեր դիտարկումներն ու մտորումները, կապված լեզվական ամենատարածված սխալենրի հետ կապված:

Պարոն Գյուրջինյան, համաձայն դպրոցական ծրագրերում արված նոր փոփոխության, դպրոցահասակներն այսուհետ անցնելու են նաև հայ ժամանակակից գրականություն, սակայն այդ նույն հայ ժամանակակից գրողներից շատերը, օրինակ բանաստեղծ Մարինե Պետրոսյանը հիմնականում գրում է ժարգոնային լեզվով, և «Է» ոժանդակ բայի փոխարեն հիմնականում գրում է «ա»:

Դուք որպես լեզվի կոմիտեի ղեկավար, ի՞նչպես եք գնահատում այս ամենը, և ի՞նչ քայլեր եք պատրասվում ձեռնարկել ժարգոնային լեզուն, դպրոցական ծրագրերում ներառելու գործընթացը խոչընդոտելուն, կամ առհասարակ պատրաստվո՞ւմ եք միջամտել: 

Ի պատասխան մեր հարցմանը, լեզվի կոմիտեի նախագահ Դավիթ Գյուրջինյանն, արձագանքել է հետևյալ կերպ. 

«Լեզվի մասին» ՀՀ օրենքը սահմանում է`«Հայաստանի Հանրապետության տարածքում գտնվող կրթական և ուսումնական համակարգերում դասավանդման և դաստիարակության լեզուն գրական հայերենն է»  հոդված 2, 1-ին պարբ:

Հանրակրթության պետական առարկայական չափորոշիչների և օրինակելի ծրագրերի նախագիծը դրված է հանրային քննարկման, ըստ այդմ էլ այն ենթակա է փոփոխման, լրամշակման կամ բարելավման, քանի որ տակավին նախագիծ է:

Հիմնավոր չէ ձեր այն կարծիքը, թե ժարգոնային լեզուն պատրաստվում են ներառել դպրոցական ծրագրերում:

Հ.Գ  Պարոն Գյուրջինյանը նշում է, թե անհիմն է այն կարծիքը, որ ժարգոնային լեզուն պատրաստվում են ներառել դպրոցական ծրագրերում, սակայն մենք ի տարբերություն շատերի խոսում ենք փաստերով և հիմնավորված:

Ուստի ընթերցողի դատին կներկայացնենք մի քանի գրական ստեղծագործություններ, որոնք ներառված են առարկայական նոր չափորոշիչներում:

Օրինակ` 

Բանաստեղծ Մարինե Պետրոսյան 

HAPPY END

ֆիլմը
ատոմային պատերազմի մասին էր
ռումբն արդեն քցել էին
ու փրկվելու
ոչ մի տարբերակ չկար
բոլորս գիտեինք որ
մեռնելու ենք
10 րոպեից
կամ 20
շատ շատ մեկ օրից
կամ երկու
բայց ինչ տարբերություն
երբ որ հույս չկա
փրկվելու
հետո հանկարծ
հոսանքը գնաց
ֆիլմն ընդհատվեց
ու ես հասկացա որ
փրկությունը
երբեմն գալիս ա
երբ որ արդեն չես
հավատում

ԼԱՑ ՉԼԻՆԵՍ

մի հատ տեղ կա
որտեղ բոլոր կորած բաները գտնվում են
ուղղակի անձրև ա գալիս ամբողջ ճանապարհին
և դու կարող ա չդիմանաս
կարող ա հոգնես, պառկես թաց խոտրի մեջ ու մեռնես
բայց դու մի մեռի
ես քեզ հաստատ հաստատ եմ ասում
կա ետ տեղը
որտեղ բոլոր կորած բաները գտնվում են
ես եղել եմ

Ակնառու է, որ դպրոցական նոր չափորոշիչներում ներառված գրող Մարինե Պետրոսյանը հիմնականում հանդես է գալիս ժարգոնային լեզվով, սակայն Դավիթ Գյուրջինյանի համար այս ամենը դեռևս հիմք չէ հետևություններ անելու համար: 

Ցավալի է...

Հայկ Գևորգյան