Հայաստանը միացել է ՖԻՖԱ-ի «Տաղանդների բացահայտման էկոհամակարգ» ծրագրին

Հայաստանի ֆուտբոլի ֆեդերացիան միացել է ՖԻՖԱ-ի «Տաղանդների բացահայտման էկոհամակարգ» ծրագրին, հայտնում է ՀՖՖ պաշտոնական կայքը։

Ծրագրի նպատակն է վերլուծել ֆուտբոլային հաստատությունների ներկայիս վիճակը, բարելավել ֆուտբոլային տաղանդների բացահայտման և զարգացման մոտեցումները։ Համատեղ ծրագրի շրջանակներում վերլուծության կերթարկվեն հետևյալ 13 ֆուտբոլային հաստատությունները (ակադեմիաներ, դպրոցներ, ակումբներ)․

• «Փյունիկ» ֆուտբոլային ակումբի ակադեմիա
• Վաղարշապատի ֆուտբոլի ակադեմիա
• Վանաձոր քաղաքի ֆուտբոլի դպրոց
• «Նիկարմ» ֆուտբոլային ակումբ
• «Միկա» ֆուտբոլային ակումբ
• Սիսիանի քաղաքային սպորտային դպրոց
• Օնոր երիտասարդական սպորտային դպրոց
• «Գանձասար-Կապան» ֆուտբոլային ակումբ
• Մարտունի քաղաքի սպորտային դպրոց
• GOALS – Girls of Armenia Leadership soccer
• ՀՖՖ տեխնիկական կենտրոն/ֆուտբոլի ակադեմիա
• «Ուրարտու» ֆուտբոլային ակումբի ակադեմիա
• «Շիրակ» ֆուտբոլային ակումբի ակադեմիա

Վերլուծությունն անցկացնելու է բելգիական հայտնի Double Pass ընկերությունը, որը ֆուտբոլային տաղանդների զարգացման համակարգների վերլուծության՝ ավելի քան 20 տարվա փորձ ունի։ Ընկերության  մասնագետներն ուղիղ կապի դուրս կգան վերը նշված ֆուտբոլային հաստատությունների հետ և օնլայն հարցումների, տվյալների, ինչպես նաև այցերի հիման վրա կտան վերջական եզրակացություն։

Ծրագրի աշխատանքները կմեկնարկեն այս տարվա երրորդ եռամսյակում և կավարտվեն 2021-ին։

Այս թեմայով Հայաստանը կմասնակցի ՆԱՏՕ-ի գագաթաժողովի՝ գործընկերների ձևաչափով միջոցառմանը. ԱԳՆ խոսնակ Յունիբանկը միացել է ՀՀ Լիզինգատուների Ասոցիացիային Հայաստանը Ֆրանսիայից գնել է 36 միավոր CAESAR համակարգ, որոնք պետք է մատակարարվեն առաջիկա 15 ամսվա ընթացքում. Le Figaro-ի փոխտնօրեն Հայաստանը` անդունդից մեկ պակաս վիճակում Իմ ձեռագործ Հայաստանը թանգարաններում