Զգուշացեք սորոսական գրանտներից, չե՛ք մարսելու

Մամուլում լայն արձագանք էր գտել ֆեյսբուքյան օգտատեր ԱՆԴՐԱՆԻԿ ՊՈՂՈՍՅԱՆԻ հրապարակումն այն մասին, որ «Հայաստանում «Կյանքի խոսք եկեղեցի» աղանդավորական կառույցը ֆինանսավորվում է Սորոսի հիմնադրամից: Անհանգստացած այս բացահայտումից` «Կյանքի խոսքը» շտապել էր հերքել վերոնշյալը, ընդ որում` ո՛չ ավել, ո՛չ պակաս հենց սորոսական կազմակերպության հովանու ներքո գործող կայքի հարթակում` Սորոսի «Բաց հասարակություններ-Հայաստան» հիմնադրամի հետ համատեղ դուետով: Սակայն այստեղ հատկանշական էր ոչ միայն «Կյանքի խոսքի» եւ Սորոսի հիմանդրամի այս դուետը, այլ Սորոսի «Բաց հասարակության հիմնադրամների» հայաստանյան գրասենյակի մեկնաբանությունը, որոնք ոչ միայն անհամոզիչ կերպով փորձել էին հերքել, թե ֆինանսավորել են «Կյանքի խոսքին», այլ առիթն օգտագործել էին Հայ Առաքելական Սուրբ եկեղեցին կրկին սեւացնելու համար: Վերջիններս «Կյանքի խոսքի» ֆինանսավորման թեման մի կողմ թողած` կրկնել էին «Բաց հասարակություններ-Հայաստան» հիմնադրամի գործադիր տնօրեն ԼԱՐԻՍԱ ՄԻՆԱՍՅԱՆԻ «հին երգն» այն մասին, թե «միակ կրոնական կազմակերպությունը, որը ֆինանսավորվել է հիմնադրամի կողմից, Հայ Առաքելալան եկեղեցու Արմավիրի թեմն է»:

Հիշեցնենք, որ Սորոսի հիմնադրամի կողմից դրոշակ սարքած ՀԱԵ-ի ֆինանսավորման թեման վերաբերում է 10 տարի առաջ` 2010-2011 թթ.-ին, Արմավիրի թեմին 50 000 դոլար տրված դրամաշնորհին` սոցիալապես անապահով 130 երեխաների համար ամառային ճամբար կազմակերպելու նպատակով: Այս հարցին ժամանակին անդրադարձել էր նաեւ Մայր Աթոռի Սոցիալական ծառայությունների գրասենյակի պատասխանատու Արժանապատիվ ՄԱՐԿՈՍ քահանա ՄԱՆԳԱՍԱՐՅԱՆՆ ու ընդգծել. «Առավել քան դատապարտելի է հիշյալ հիմնադրամի որդեգրած մոտեցումը` Արմավիրի թեմի միջոցով անապահով 130 երեխաների ամառային հանգստի կազմակերպման համար կատարված բարեգործությամբ հերքել փաստը այն ժխտողական վերաբերմունքի, որ հիմնադրամը եւ վերջինիս աջակցությամբ գործող մի շարք հասարակական կազմակերպություններ տարբեր առիթներով ուղղակի եւ անուղղակի դրսեւորել են Հայոց Եկեղեցու եւ ազգային ու հայրենական կյանքում նրա դերակատարության հանդեպ»:

Ինչեւէ, չնայած դրամաշնորը տրված է թեմի անունով, բայց անհայտ է, թե ծրագրի իրական շահառուն կամ իրականցնող անձն ո՞վ է եղել, որովհետեւ նման բնույթի ճամբարները հոգեւորականների անմիջական մասնկացությամբ չեն իրականցվում: Այդուհանդերձ, գնահատականները թողնում ենք մեր ընթերցողին, թե որքանով է Սորոսի հիմնադրամի կողմից բարոյական 10 տարի առաջ անապահով երեխայի համար տրված գումարը 10 տարի անց հիշեցնելն ու վերագրելը, թե ֆինանսավորել են Հայ Առաքելական եկեղեցուն: Հատկապես, որ ֆինանսավորումը տրվել է անապահով երեխաների հանգստի համար, այլ ոչ թե, օրինակ, եկեղեցաշինության: Սակայն, այստեղ կարեւորն այլ հանգամանք է` Սորոսի հիմնադրամը ֆինանսավորում է այս կամ այն անձին ու կառույցին, որպեսզի այդ թեման կա՛մ շահարկի, կա՛մ նույն այդ անձինք ու կառույցները իրենց ողջ գործունեության ընթացքում ստրուկի պես ծառայեն` իրենց տրված դրամաշնորհների դիմաց: Այնպես որ, զգուշացե՛ք սորոսական գրանտներից, այն երբեք չեք մարսելու, մի օր անպայման այն ձեզ կհիշեցնի Լարիսա Մինասյանը, ինչի դիմաց կա՛մ կպահանջի ծառայություններ մատուցել, կա՛մ, պարզապես, կդարձնի այն շահարկման առարկա:

ՀՐԱՆՏ ՍԱՐԱՖՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝