Գազանանոցի տարածքում ապրող ընտանիքներին դեռ չեն վտարել

«Իրավունք»-ը  2014 թ-ին  անդրադարձել էր կենդանաբանական այգու ետնամասում բնակվող Գյուրջյան փողոցի բնակիչների խնդրին:

Հիշեցնենք` Գյուրջյան փողոցի բնակիչ Սյուզան Մարգարյանը մեր թղթակցին հայտնել էր, որ  կենդանաբանական այգին փակել է դեպի իրենց կացարաններ ու հողատարածքներ տանող ելքն ու մուտքը, որի պատճառով մոտ վեց ընտանիք դիմել է դատարան:  Ավելին` կենդանաբանական այգու ղեկավարությունը քաղաքապետարանի թույլտվութամբ պահանջել է բնակիչներից ազատել տարածքը, քանի որ քաղաքապետարանի թույլտվությամբ այգու ընդլայնման  ծրագիր է իրականացվելու:

Կենդանաբանական այգու տնօրեն Ռուբեն Խաչատրյանին հարցրինք` ի վերջո, ինրով ավարտվեց Գյուրջյան  փողոցի բնակիչների եւ  կենդաբանական այգու  ղեկավարության միջեւ առաջացած խնդիրը: «Նրանք  այգիներ էին հիմնել կենդանաբանակ այգու տարածքում, որը խոչընդոտում է կենդաբանական այգու ընդլայնմանը: Մենք  չէինք  պահանջել  այգիների տերերին հեռանալ, այլ  կենդաբանական այգու ռեժիմին չխանգարող գործունեություն  ծավալել: Մասնավորապես, չջրել այգիները կոյուղաջրերով: Չհամաձայնողները դիմեցին դատարան, որը մերժեց նրանց հայցը` հօգուտ այգու: Մենք այսօր իրավունք ունենք նրանց հեռացնելու, սակայն դա դեռ չենք արել»,- ասաց տնօրենը:

Տնօրենի խոսքով`  Գյուրջյան փողոցի ոչ բոլոր բնակիներն  են բողոքել:  Ռ. Խաչատրյանը հավաստիացնում է `կենդանաբանական այգու հետ համաձայնության եկածներին դրամական խրախուսանք է տրվում` խնամելու  իրենց  այգիները, բայց դրանք չոռոգելու կեղտաջրերով:

Խաչատրյանը հավաստիացնում է` Գյուրջյանի  շինությունները հիմնականում ամառանոցներ են եղել  սեփանականատերերի համար, ոչ թե հիմնական կացարան: «Մշտապես բնակվողներին  քաղաքապետարանը փոխհատուցել է: Դրանից հետո միայն քանդեցինք վագրերի ազատավանդակի գլխին կախված շինությունը»,-եզրափակեց  այգու տնօրենը:

ՍՈՆԱ ԴԱՎԹՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝