Արքայազն Ուիլյամն ու Քեյթ Միդլթոնն այցելել են Իռլանդիա և թևանցուկ զբոսնել բնության գրկում
Արխիվ 16-20![Արքայազն Ուիլյամն ու Քեյթ Միդլթոնն այցելել են Իռլանդիա և թևանցուկ զբոսնել բնության գրկում](/timthumb.php?src=disc/old16-20/106552.png&w=780)
Մեծ Բրիտանիայի արքայազն Ուիլյամը և նրա կինը` Քեյթ Միդլթոնը, այս օրերին գտնվում են Իռլանդիայի Հանրապետությունում, որտեղ այցելել են երիտասարդների հոգեկան առողջության կենտրոն, անասնաֆերմա, ինչպես նաև առանձին ժամանակ անցկացրել` հիանալի եղանակին քայլելով Հոութ թերակղզու առավել բարձրադիր հատվածներով, հայտնում է Daily Mail պարբերականը:
Քեմբրիջի դուքսը և դքսուհին Մեծ Բրիտանիայի` Եվրոպական միությունից դուրս գալուց հետո Իռլանդիա են ժամանել երկու երկրների միջև առավել բարեկամական հարաբերությունների հաստատման համար: Նշվում է, որ զույգը հատուկ հանդիպում է ունեցել նաև Իռլանդիայի շրջակա միջավայրի նախարարի հետ: Այնուհետև ժամանելով անասնաֆերմա` զրուցել են ֆերմերների հետ, ինչպես նաև շրջակա միջավայրի և սննդի արտադրության վերաբերյալ դասին մասնակցելու համար ֆերմա այցելած դպրոցականների հետ:
Զույգը նաև այցելել է սոցիալական արդարության, ինչպես նաև երիտասարդության հոգեկան առողջության բարեգործական կենտրոններ և արդյունավետ քննարկումներ ունեցել տեղի մասնագետների հետ, շփվել և հաճելի ժամանակ անցկացրել երիտասարդների հետ: