Բոլոլա Իջևան բժշկական կենտրոնում

Արդեն երկրորդ անգամն է, ինչ անորոշ է մնում Իջևան բժշկական կենտրոնի տնօրենի մրցույթի անարդյունավետ ընթացքը: 2019 թվականի ապրիլից Իջեւանի միակ հիվանդանոցի՝ «Իջեւան» բժշկական կենտրոնի տնօրենի պաշտոնակատարը Վազգեն Մարգարյանն էր:
Մոտավորապես կես տարի աշխատելուց հետո, չգիտես ինչու, հոկտեմբերի 1-ին տնօրենի նոր մրցույթ անցկացվեց: Մարգարյանը մասնակցեց մրցույթին, սակայն կեսից դուրս եկավ հայտարարելով, որ հանձնաժողովը պաշտպանում է իր մրցակցին՝ Էդուարդ Գրիգորյանին: Այժմ Մարգարյանը մեղադրում է մարզային իշխանություններին՝ իրենից ամեն գնով ազատվելու համար: Վերջինս բազմիցս հայտարարել է, որ առաջին մրցույթի ժամանակ, իրեն նշված հարցաշարից դուրս շատ այլ հարցեր են տվել, իսկ ահա երկրորդ մրցույթի ժամանակ, թեև վերջինս հավաքել է 100 բալ, սակայն այս անգամ խնդիրը եղել է բանավոր հարցաշարի հետ կապված: Մարգարյանը բազմիցս մամուլում տված հարցազրույցների ժամանակ նշում է, որ բանավոր հարցաշարի հետ կապված ևս խնդիր կա: Վերջինիս պնդմամբ՝ իրեն միայն գրականության ցանկն են տրամադրել,սակայն ոչ մի այլ բան:

Iravunk.com-ի ունեցած տեղեկություններով՝  Մարզպետ Հայկ Չոբանյանն ամեն բան անում է իր մերձավորներից մեկին վերոնշյալ պաշտոնը նվիրելու համար: Չնայած այն հանգամանքին,որ Վազգեն Մարգարյանը բավականին սիրված տնօրեն է, իսկ աշխատանքում ՝ բավականին արդյունավետ, սակայն ինչ-ինչ պատճառներով կարծես թե քաղաքական հետապնդումների է ենթարկվում:

Հայկ Գևորգյան 

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝