Սառնասրտորեն սպանում էր վիրավորներին. ինչպես է Ուկրաինայյի ազգային գվարդիականը գնդակահարել ծառայակիցներին (տեսանյութ 18+)

Համացանցում հայտնվել են տեսադիտարկման խցիկից կադրեր, որտեղ գրանցվել է Դնեպրոպետրովսկում Ազգային գվարդիայի ներկայացուցչի կողմից ծառայակիցների գնդակահարության պահը: Հիշեցնենք, որ մարդասպանը՝ ժամկետային զինծառայող Արտեմի Ռյաբչուկը ձերբակալվել էր իր կազմակերպած սպանդից մի քանի ժամ անց ։

Տեսագրության մեջ երեւում է, թե ինչպես է Ռյաբչուկը սառնասրտորեն սպանում վիրավոր ծառայակիցներին, եւ անգամ ժամանակ առ ժամանակ վերադառնում ն զինամթերք վերցնելու:

Վերջին տվյալներով ՝ Յուժմաշում այսօր առավոտյան 5 մարդ է սպանվել։ Երեք վիրավորների կյանքի համար այժմ պայքարում են բժիշկները, եւս երկուսի վիճակը բժիշկների մոտ մտավախություն չի առաջացնում:

Ուկրաինայի ՆԳ նախարարի խորհրդական Անտոն Գերաշչենկոն պատմել է, որ վիրավորների թվում կին զինծառայող կա, նա ծանր վիճակում է եւ շատ արյուն է կորցրել:

«Ինչ տականք պետք է լինի, որ 22-ամյա աղջկա՝ ազգային գվարդիայի զինծառայողուհու վրա երեք գնդակ բաց թողնի։ Աղջիկը ծնկի վնասվածք է ստացել, ուսին եւ, որ ամենածանրն է որովայնի շրջանում։ Այժմ հիվանդանոցի վիրաբույժները պայքարում են նրա կյանքի: Նա կորցրել է ավելի քան երեք լիտր արյուն: Նրա եւս մեկ ծառայակից, որը որովայնի շրջանում վիրավորում էր ստացել, նույնպես ծանր վիճակում է։ Ծանր վիճակում է գտնվում նաև մյուս զինծառայողը, որը տեղափոխվել է 16-րդ քաղաքային հիվանդանոց։ Նրա մոտ կրծքավանդակի, ազդրի եւ ուսի վնասվածքներ են»,- գրել է Գերաշչենկոն սոցցանցի իր պաշտոնական էջում ։

Ինչպես ավելի վաղ հայտնի էր դարձել, այսօր առավոտյան Ուկրաինայի ազգային գվարդիայի ժամկետային զինծառայողը գնդակահարել է ծառայակիցներին: Հինգ զոհերի թվում մեկը քաղաքացիական կին է։