Լուսահոգի Էդվարդի մայրը դպրոցի ծնողկոմիտեի նախագահն է. Իրականում ինչպես է մայրը սեղանի վրայից ընկել է իր 2-ամյա տղայի վրա
Թեմա
Հուլիսի 19-ին Երևանի «Սուրբ Աստվածամայր» բժշկական կենտրոնի վերակենդանացման բաժանմունքում մահացել է Արարատի մարզի բնակիչ 2-ամյա Է․Թ․-ն։ Երեխան նշված հիվանդանոց էր տեղափոխվել հուլիսի 7-ին «Արտաշատ» բժշկական կենտրոնից։ Այդ օրը՝ ժամը 12։00-ի սահմաններում, «Արտաշատ» բժշկական կենտրոնից ոստիկանության Արտաշատի բաժին ահազանգ էր ստացվել, որ «գանգուղեղային տրավմա, կոմա» ախտորոշմամբ իրենց մոտ է տեղափոխվել տղա երեխա։ Ոստիկանները պարզել էին, որ նույն օրը՝ ժամը 11։50-ի սահմաններում, Բաղրամյան գյուղի Թորգոմ Փոստաջյանի անվան միջնակարգ դպրոցի դասասենյակում 38-ամյա Մ․Ս․-ն կանգնել է սեղանի վրա, որպեսզի մաքրության աշխատանքներ կատարի, սակայն սեղանը կոտրվել է, և Մ․Ս․-ն կոտրված սեղանի բեկորների հետ միասին ընկել է Է․Թ․-ի վրա, ինչի հետևանքով էլ վերջինս վնասվածքներ է ստացել և տեղափոխվել հիվանդանոց։ Օրեր շարունակ բժիշկները պայքարել են երեխայի կյանքի համար, սակայն ապարդյուն։
Իրականում ինչո՞ւ էր մայրը հայտնվել դպրոցում, ի՞նչ կապ ուներ նա այդ դպրոցի հետ այս եւ այլ հարցերի շուրջ զրուցել ենք դպրոցի տնօրեն Աստղիկ Հարությունյանի, ով նոր էև վերադառնում երեխայի հուղարկավորության արարողությունից,
-Փոքրիկ լուսահոգի Էդվարդի մայրը մեր դպրոցի ծնողկոմիտեի նախագահն է, մեր դպրոցում են սովորում նրա երկու երեխաները` 4-րդ եւ 7-րդ դասարաններում: Այդ օրը Մարիաննան եկել էր դպրոց, որպեսզի չորրորդ դասարանում սովորող երեխայի դասասենյակի վարագույրները հանի տանի լվացնելու, նա էր բերել կախել, միշտ ամեն տարի արձակուրդներին հանում էր, որ նոր ուսումնական տարում թարմ բերի կախի: Փոքրիկը լաց է եղել մայրիկի հետեւեւից, մայրն էլ վերցրել է երեխային իր հետ, ու տեղի է ունեցել այդ ողբերգությունը: Երեխայի ընտանիքը բացառիկ ընտանիք է` հայրը զինվորական է, մայրը` պատմության ուսուցչուհի կողքի գյուղում: Ես շատ մեծ ցավ եմ ապրում, որ նման ողբերգությունը շահարկում են, թե մայրը անուշադիր է եղել, սոցիալապես անապահով վիճակից եկել է հավաքարարություն է արել եւ նման բան էր: Ես կրկնում եմ բացառիկ ուշադիր մայր է Մարիաննան, ոչ ոք չէր ցանկանա նման ողբերգություն լիներ: Ինչ ասես չեն գրում, չմտածելով մոր հոգեվիճակի մասին, ես բառերով չեմ կարող նկարագրել, թե ինչ հոգեվիճակում է նման դաժան ձեւով երեխային կորցրած մայրը, ես չգիտեմ նա իրեն կկարողանա ներել ակամայից որդու կորստի պատճառը դառնալու համար:
ԻԼՈՆԱ ԱԶԱՐՅԱՆ
Եզրաս սրբազանը Վլադիմիր Պուտինին է փոխանցել Ամենայն Հայոց կաթողիկոսի ուղերձը
Հայաստանի վետերանների միավորման գոյությունը վտանգված է. Ո՞վ է պատասխանատուն
Առնվազն ծիծաղելի է մանկամիտներս մութ սենյակում սեւ կատու փնտրելը. հատուցումը ծանր է լինելու՝ այն սարերի հետեւում չի
Շնորհավորում ենք Վեհափառ Տիրոջը, մաղթում քաջառողջություն, արևշատություն և կորով
1
11669 դիտում
2
2887 դիտում
3
2287 դիտում
4
1656 դիտում
5
1535 դիտում
2
4995 դիտում
3
4945 դիտում
4
4339 դիտում
5
4143 դիտում
1
31550 դիտում
2
19737 դիտում
4
11549 դիտում
5
11508 դիտում
