ԿԱՐՃ ԼՈՒՐԵՐ

Պատանի ազատ ոճայինները 7 մեդալ են նվաճել միջազգային մրցաշարում

17.03.2018 20:52 ՍՊՈՐՏ
Պատանի ազատ ոճայինները 7 մեդալ են նվաճել միջազգային մրցաշարում

Մարտի 12-15-ը Մինսկում կայացել է ազատ ոճի ըմբշամարտի պատանեկան մրցաշար: 20-րդ անգամ անցկացվող «Արջուկ» («Մեդվեժոնոկ») մրցաշարը նվիրված է Օլիմպիական խաղերի և Եվրոպայի եռակի, Աշխարհի յոթակի չեմպիոն Ալեքսանդր Մեդվեդին:

«Որեւէ իրավունքի իրացում չպետք է ոտնահարի այլոց իրավունքները». Օլիմպիական չեմպիոնների կոչը

Մրցաշարին մասնակցել է 11 երկրի 246 ըմբիշ: Մեր ըմբիշները հայրենիք են վերադարձել 7 մեդալով, հայտնում է Հայաստանի ըմբշամարտի ֆեդերացիայի պաշտոնական կայքը:

Մրցաշարի հաղթող է դարձել 92 կգ քաշային Լյովա Գևորգյանը: Արծաթե մեդալ է նվաճել Կնյազ Իբոյանը (48 կգ): Բրոնզե մեդալակիրներ են դարձել Մանվել Խնձրցյանը (51 կգ), Գենիկ Ասատրյանը (55 կգ), Մեժլում Մեժլումյանը (60 կգ), Նարեկ Հարությունյանը (65 կգ) և Սերգեյ Սարգսյանը (92 կգ):

Մարզիկները մրցաշարին մասնակցել են Հայաստանի ազատ ոճի ըմբշամարտի պատանեկան հավաքականի ավագ մարզիչ Արշակ Հայրապետյանի գլխավորությամբ: Վերջինս ՀԸՖ պաշտոնական կայքի հետ զրույցում նշել է, որ գոհ է տղաների ելույթներից.

«Մրցաշարում բարձր մրցակցություն կար: Տղաները լավ, հավաքված գոտեմարտեր անցկացրին: Գոհ եմ: 2 ուսումնամարզական հավաք ունենք՝ Ծաղկաձորում և Օլիմպավանում, որից հետո կմեկնենք Եվրոպայի առաջնության»,-նշել է մարզիչը:

 

 

КОМСОМОЛЬСКАЯ ПРАВДА