ԿԱՐՃ ԼՈՒՐԵՐ

ՏՈՆԸ ԻՍԿԱՊԵՍ ՈՐ ՏՈՆ ԴԱՐՁԱՎ

19.01.2018 21:10 ՀԱՆՐՈՒԹՅՈՒՆ
ՏՈՆԸ  ԻՍԿԱՊԵՍ ՈՐ ՏՈՆ ԴԱՐՁԱՎ

Մինչ ժողովուրդը Վայք քաղաքում զբաղված էր Սուրբ ծննդյան տոնի պատրաստություններով` «Վեոլիա Ջրի» «Արեւելք» տարածաշրջանի տնօրինության «Վայք» տեղամասի աշխատակիցները լուծում էին Ջերմուկի խճուղու մի շարք շենքերի ջրի խնդիրը:

Արտաշատի թատրոնը մարտի 29-ից նոր տնօրեն կունենա

Այն ծագել էր թիվ 51 շենքում, ավելի ճիշտ` մուտքագծում, վթարի արդյունքում: Սակայն լուծումը պահանջեց զգալի ջանքեր: Նախ շահագործումից հանվեց տվյալ բնակելին սնուցող 100 մետրանոց վթարային խողովակաշարը, որը սկիզբ էր առնում նույն խճուղու թիվ 34 շենքի հարակից տարածքով անցնող ջրագծից: Իսկ թիվ 51-ի նոր միացումն ապահովվեց դրա հարեւանությամբ անցնող մեկ այլ, ավելի խոշոր տրամագծով խողովակից. այն հատվածում, որտեղից սնվում էր նաեւ թիվ 23 շենքը: Դրա համար լրացուցիչ տրվեց 5 մետրանոց պոլիէթիլենե միացում, կառուցվեց դիտահոր` երկու փականներով, համապատասխանաբար թիվ 51 ու 23 շենքերի համար:

Այնուհետեւ մասնագետներն անցան տարածքի հաջորդ բնակելիներին: Նոր խողովակներ, նոր դիտահոր, նոր փականներ, նորից մուտքագծեր ու միացումներ… Ընդհանուր առմամբ, «Վայքի» ուժերով վերջին օրերին շահագործումից այստեղ հանվեց 226 գծամետր քայքայված մետաղական խողովակ, որը բերեց վայրկյանում մոտ 7 լիտր ջրի տնտեսման, փոխարինվեցին թիվ 23, 51 եւ 53 շենքերի մուտքագծերն ու հագեցվեցին փականային համակարգով: Մի խոսքով, ամեն ինչ արվեց տեղը տեղին ու ճիշտ ժամանակին: Կենարար հեղուկն անարգել հոսեց դեպի ծորակներ` որպես ջրմուղագործների նվերը բնակիչներին Սուրբ ծննդյան տոնի առթիվ:

«Վեոլիա Ջուր» ՓԲԸ

Հանրային կապերի ծառայություն

 

 

КОМСОМОЛЬСКАЯ ПРАВДА