«2016 թվականի ապրիլ է եղել, ինչ «Մադրիդյան սկզբունքների» մասին է խոսքը». քաղաքագետ

12.01.2018 15:54 ՔԱՂԱՔԱԿԱՆ

ՀՀ արտգործնախարարությունն արդեն հաստատել է այն լուրը, որ հունվարի կեսերին նախատեսված է Հայաստանի եւ Ադրբեջանի արտգործնախարարների հանդիպումը: Սակայն չեն նշել, թե կոնկրետ որտեղ եւ երբ կկայանա հանդիպումը:

Կարեն Կարապետյանն ու Ռիչարդ Միլսը քննարկել են Հայաստանի ներքաղաքական իրավիճակին առնչվող մի շարք հարցեր

Քաղաքագետ ՍԵՐԳԵՅ ԶԱՔԱՐՅԱՆՑԸ խոսելով առաջիկա հանդիպումից եւ սպասելիքներից, նկատեց, որ բոլոր տեսակի հանդիպումներն ու բանակացությունները տանում են նրան, որ ուղղակի վերակենդանացնում են «Մինսկի գործընթաց» կոչվածը. «Մադրիդյան սկզբունքներն անկողմնակալ հայացքով կարելի է հազար անգամ քննադատել եւ պահանջել, որպեսզի համալրումներ լինեն: Ժամանակն անցնում է եւ այդ ուղղությամբ որեւէ մեկը չի աշխատում, 2016 թվականի ապրիլ է եղել, էլ ինչ «Մադրիդյան սկզբունքների» մասին է խոսքը: Բոլոր ջանքները գործադրվում են, որ երկարաձգվի «Մինսկի գործընթաց» կոչվածը», որպեսզի ԱՄՆ-ն, Ռուսաստանը եւ Ֆրանսիան այս հարցում մնան գլխավոր դերակատարներ»,-փաստեց քաղաքագետը: Ըստ նրա, լավ կլիներ, որ հայկական կողմը հայտարարեր, որ այս տարվա ապրիլին դուրս է գալիս բանակցային գործընթացից. «Եթե ուզում են բանակցեն, ապա պետք է բանակցեն Արցախի հանրապետության հետ»,-ընդգծեց Սերգեյ Շաքարյանցը:

ԶՎԱՐԹ ԽԱՉԱՏՐՅԱՆ