ԿԱՐՃ ԼՈՒՐԵՐ

Գիտնականներին հաջողվել է մաշկի բջիջներից մկաններ ստեղծել

12.01.2018 15:34 ՀԱՆՐՈՒԹՅՈՒՆ ԱՌՈՂՋԱՊԱՀԱԿԱՆ
Գիտնականներին հաջողվել է մաշկի բջիջներից մկաններ ստեղծել

Դյուքի համալսարանի հետազոտողներին առաջին անգամ հաջողվել է մաշկի բջիջներից աշխատող մկաններ ստեղծել: Սա կարող է ճեղքում լինել այնպիսի հիվանդությունների բուժման մեջ, ինչպիսին է Դյուշենի մկանային դիստրոֆիան: Սակայն մասնագետները նշում են, որ տեխնոլոգիան պրակտիկայում ներդնելու համար հետագա հետազոտություններ են անհրաժեշտ:

Ամերիկացի գիտնականները ՄԻԱՎ-ը «կատարելապես» ճնշող դեղ են ստեղծել

Նոր հետազոտության շրջանակում, որը հրապարակվել է Nature Communications ամսագրում, մաշկի բջիջները լաբորատորիայում ծրագրավորվել են եւ վերափոխվել պլյուրիպոտենտային ցողունային բջիջների, որոնք ունակ են ցանկացած տեսակի բջջի վերափոխվելու: Այնուհետեւ բջիջները կուլտիվացրել են. դրանք ենթարկվել են Pax7 մոլեկուլի ազդեցությանը, որն ազդանշան է տալիս մաշկի բջիջները մկանների վերափոխվելու մասին:

Դրանից հետո բջիջները վերափոխվել են գործող մկանների: Դրանք այնքան ուժեղ չէին, որքան սովորական մկանային հյուսվածքի բջիջները: Սակայն 4 շաբաթ հետո աճեցված բջիջները կարողացել են կծկվել եւ արտաքին գրգռիչներին արձագանքել՝ ինչպես իսկական մկանային բջիջները: Այնուհետեւ բջիջները պատվաստել են մկներին: Ըստ ամենայնի, բջիջները սերտաճել են կրծողների բնական մկանային հյուսվածքին:

 

КОМСОМОЛЬСКАЯ ПРАВДА