ԿԱՐՃ ԼՈՒՐԵՐ

Վտանգավոր է սմարթֆոնը կողքին քնել. գիտնականներ

18.12.2017 19:41 ՀԱՆՐՈՒԹՅՈՒՆ ԱՌՈՂՋԱՊԱՀԱԿԱՆ
Վտանգավոր է սմարթֆոնը կողքին քնել. գիտնականներ

Քալիֆորնիայի Առողջապահության դեպարտամենտը զեկույց է հրապարակել այն մասին, թե սմարթֆոնն առղջության համար ինչ վտանգ է ներկայացնում, եթե մարդը քնելիս այն իր կողքին է թողնում:

2-րդ տիպի դիաբետով մարդկանց խորհուրդ է տրվում վաղ առավոտյան նախաճաշել. գիտնականներ

Սմարթֆոնի հետ կապված առողջական վտանգների մասին նախկինում էլ է խոսվել: Իսկ հիմա զեկույցի հեղինակները նոր ապացույցներ են ներկայացրել, որ գաջեթներից էլեկտրամագնիսական ճառագայթումը մեծացնում է քաղցկեղի եւ անպտղության հավանականությունը:

Դեպարտամենտի մամուլի հաղորդագրության համաձայն՝ չնայած սմարթֆոնների եւ տարբեր հիվանդությունների միջեւ հստակ կապ չի հայտնաբերվել, եղած տվյալները բավարար են, որպեսզի օգտատերերին, հատկապես երեխաներին զգուշացնեն այս սարքերի պոտենցիալ վտանգի մասին: Մասնագետները խորհուրդ են տալիս չօգտագործելու դեպքում սմարթֆոնները մարդու մարմնից մեկ կամ մի քանի մետր հեռավորությամբ դնել:

Զեկույցում նաեւ նշվում է, որ գաջեթների օգտագործումը կարող է վնաս հասցնել դեռահասի քնին, նրանց հոգեկան առողջությանը եւ նպաստել ուշադրության կենտրոնացման խանգարմանը: Սակայն վտանգ կարող է ներկայացել նաեւ սարքերից արձակվող ռադիոհաճախականության ճառագայթումը: Այն կարող է ազդել տղամարդկանց սերմնահեղուկի որակի վրա, որոնք սարքը գրպանում են պահում, նշված է զեկույցում: Մասնագետները խորհուրդ են տալիս քնելիս սմարթֆոնները չթողնել բարձի տակ կամ մահճակալի կողքին եղած պահարանի վրա:

Քալիֆորնիայի Առողջապահության դեպարտամենտը խորհուրդ է տալիս՝

  • Ձգտել սմարթֆոնը մարմնից հեռու պահել
  • Եթե կապը վատ է, ավելի քիչ օգտվել
  • Սմարթֆոններն ավելի քիչ օգտագործել մեծ ֆայլեր բեռնելու համար
  • Գիշերը սմարթֆոնը անկողնուց հեռու պահել
  • Ամբողջ ժամանակ ակնաջակալներ չկրել
  • Չօգտագործել իբր ռադիահաճախականության ճառագայթումը արգելակող արտադրանք: Իրականում կարող է հակառակ էֆեկտ լինել:

 

КОМСОМОЛЬСКАЯ ПРАВДА