ԿԱՐՃ ԼՈՒՐԵՐ

Ամեն տարի միջինում 50 երեխայի ճակատագիր դառնում է անորո՞շ. (Տեսանյութ)

18.12.2017 17:30 ՕՐՎԱ ՊԱՏԿԵՐ ՀԱՆՐՈՒԹՅՈՒՆ
Ամեն տարի միջինում 50 երեխայի ճակատագիր դառնում է անորո՞շ. (Տեսանյութ)

Այսօր ԱԺ-ում կայացած Հայաստանի Հանրապետության «Ընտանեկան օրենսգրքում» փոփոխություններ եւ լրացումներ կատարելու վերաբերյալ քննարկման ժամանակ ԱԺ պատգամավոր, ՍԻՄ կուսակցության նախագահ ՀԱՅԿ ԲԱԲՈՒԽԱՆՅԱՆԸ  հանդես եկավ ոչ միայն առաջարկություններով, այլեւ հնչեցրեց երկու կարեւոր հարց`կապված հայ երեխաներին օտարերկրացիների կողմից որդեգրման կարգի, ինչպես նաեւ միջազգային կոնվենցիաներով ամրագրված այն պարտավորություններին, որոնք պետք է իրականացնի Հայաստանը (երկու հարցերը` տեսանյութում):

«Գնաճն այսքան սարսափելի չէր լինի, եթե շուրջ 50 տոկոս աղքատություն չունենայինք» (Տեսանյութ)


Անդրադառնալով ՍԻՄ կուսակցության նախագահի կողմից բարձրացրած հարցերին, ՀՀ արդարադատության նախարարի տեղակալ Սուրեն Քրմոյանը փաստեց, որ երեխաների որդեգրման հարցում հիմնական գործընկերներն են ԱՄՆ-ն, Շվերյացարիան, Իտալիան, քիչ թվով երեխաներ են որդեգրում նաեւ Ռուսաստանում եւ մեկ երեխա էլ որդեգրել են Իրանի Իսլամական հանրապետությունում բնակվող հայ ընտանիք. «Կարելի է ասել, որ մենք աշխատում ենք բացառապես Կոնվեցիայի անդամ պետությունների հետ, Կոնվեցիան խիստ պարտավորություններ է սահմանում , մենք վստահ ենք, եթե երեխային որդեգրում են ԱՄՆ-ում, ապա այնտեղ վերահսկողությունը բավականին խիստ է: Ինչ վերաբերում է որգեգրողի ազգությանը, ապա ըստ ներկայացվող փաստաթղթերի» հիմնականում շվեյցարացիներ են»,-փաստեց արդարադատության նախարարի տեղակալը:
Ինչ վերաբերում է միջազգային պարտավորություններին, ապա Սուրեն Քրմոյանն ընդգծեց, որ որդեգրման մասով Հայաստանն ունի համատեղման ինստիտուտը, որտեղ որդեգրվող երեխաների մասին միջազգային Կոնվենցիան ամրագրում է, որ իրավասու մարմինները պետք է այնպես անեն, որ որդեգրումը բխի երեխայի լավագույն շահերից. «Հիմնական ուղղությունը որդեգրումՆ է եւ այն, որ երեխան կարող է ազատ կարծիք արտահայտել»,-նշեց Ս. Քրմոյանը եւ տեղեկացրեց, որ այս պահին Հայաստանի համապատասխան սոցիալական հաստատություններում կան 640 երեխա. «Որդեգրվող երեխաների 80-90 տոկոսն ունեն խնդիրներ, որի պարագայում հայ ծնողները հրաժարվում են նրանց որդեգրելուց, փոխարենը որդեգրում են արտասահմանում: Նույն կերպ  մեզ մոտ չեն որդեգրում աուտիզմով հիվանդ երեխաներին: 2008 թվականից մինչ օրս շուրջ 80 երեխա է հանձնվել խնամատարության, երեխաները տարբեր տարիքի են»,-փաստեց Սուրեն Քրմոյանը եւ տեղեկացրեց, որ յուրաքանչյուր տարի միջինում 50 երեխա է որդեգրվում արտասահմանում.«Ամեն տարի որդեգրման 50 դեպք ենք ունենում, բայց այս տարի քիչ էր, մոտ 30»,-հավելեց, արդարադատության նախարարի տեղակալը:

 Հ.Գ. փաստորեն տարեկան 50 հայ երեխայի ճակատագիր դառնում է անորոշ, քանի որ որդեգրումից հետո այդպես էլ հայտնի չէ, թե ինչ ընթաց է ունենում նրանց կյանքը:

ԶՎԱՐԹ ԽԱՉԱՏՐՅԱՆ

 

 

КОМСОМОЛЬСКАЯ ПРАВДА