ԿԱՐՃ ԼՈՒՐԵՐ

Շարմազանովը Լատվիայի պատվիրակությանը կոչ է արել չընկնել Ադրբեջանի կեղծ քարոզչության ծուղակը

15.12.2017 17:58 ՕՐՎԱ ՊԱՏԿԵՐ ՔԱՂԱՔԱԿԱՆ
Շարմազանովը Լատվիայի պատվիրակությանը կոչ է արել չընկնել Ադրբեջանի կեղծ քարոզչության ծուղակը

ՀՀ ԱԺ նախագահի տեղակալ Էդուարդ Շարմազանովի գլխավորած պատվիրակությունը, որի կազմում են ՀՀ ԱԺ պատգամավորներ Սամվել Ֆարմանյանը եւ Սուրեն Մանուկյանը, դեկտեմբերի 15-ին հանդիպել է Լատվիայի Սաեյմայի նախագահի տեղակալ Ինես Լիբիենա-Էգներեի հետ:

Հայաստանի արեւմտյան քարոզչամեքենային հրահանգավորվել է՝ ակտիվ հակառուսական քարոզչության անցնել

Հանդիպման ընթացքում կողմերը կարեւորել են հայ-լատվիական բարեկամական հարաբերությունների հետագա զարգացումն ու խորացումը, փոխայցերի ակտիվացումը:

ՀՀ ԱԺ նախագահի տեղակալն անդրադարձել է Հայոց ցեղասպանության միջազգային ճանաչմանը եւ Թուրքիայի ժխտողական քաղաքականությանը՝ նշելով, որ 100 տարի անց եւս Թուրքիայի իշխանությունը շարունակում է վարել ապակառուցողական ու ժխտողական քաղաքականություն, շրջափակման մեջ է պահում Հայաստանը, ինչն անթույլատրելի է: Էդուարդ Շարմազանովը հույս է հայտնել, որ ժողովրդավարական արժեքներ կրող եւ ԵՄ անդամ Լատվիան առաջիկայում կճանաչի ու կդատապարտի Հայոց ցեղասպանությունը:

Խոսելով ՀՀ-ԵՄ Համապարփակ եւ ընդլայնված գործընկերության համաձայնագրի վերաբերյալ՝ պարոն Շարմազանովը համոզմունք է հայտնել, որ Հայաստանը կարող է հուսալի կամուրջ դառնալ ԵԱՏՄ եւ ԵՄ անդամ երկրների միջեւ: Նա հույս է հայտնել, որ Լատվիայի խորհրդարանը հնարավորինս արագ կվավերացնի փաստաթուղթը:

Խոսելով ԼՂ հիմնախնդրի կարգավորման գործընթացի մասին՝ Էդուարդ Շարմազանովն անդրադարձել է Ադրբեջանի ռազմատենչ հռետորաբանությանը եւ կեղծ քարոզչությանը: «Կան երկրներ, որոնք ընկնում են Ադրբեջանի կեղծ քարոզչության ծուղակը, դրանց թվում է նաեւ Լատվիան: Լատվիայի բարձրաստիճան որոշ պաշտոնյաներ անում են հայտարարություններ, որոնք չեն բխում խնդրի խաղաղ կարգավորումից: Կոչ եմ անում չտրվել ադրբեջանական կեղծ հակաքարոզչությանը եւ չընկնել նրանց ծուղակն ու արցախյան հիմնահարցում չանել հայտարարություններ, որոնք հակասում են Մինսկի խմբի եւ ԵՄ-ի պաշտոնական դիրքորոշումներին»,-նշել է ՀՀ ԱԺ փոխնախագահը:

Լատվիայի Սաեյմայի նախագահի տեղակալ Ինես Լիբիենա-Էգներեն նշել է, որ Արցախի հարցում սատարում են Մինսկի խմբի համանախագահների ջանքերին ու սկզբունքներին: 

 

 

КОМСОМОЛЬСКАЯ ПРАВДА