ԿԱՐՃ ԼՈՒՐԵՐ

2018-ի ապրիլից հետո Վերահսկիչ պալատը կդառնա Հաշվեքննիչ պալատ և այլևս ծրագիր չի ներկայացնի ԱԺ

07.12.2017 14:46 ՕՐՎԱ ՊԱՏԿԵՐ ՔԱՂԱՔԱԿԱՆ
2018-ի ապրիլից հետո Վերահսկիչ պալատը կդառնա Հաշվեքննիչ պալատ և այլևս ծրագիր չի ներկայացնի ԱԺ

2018 թվականի ապրիլից Հայաստանի Վերահսկիչ պալատը կվերանվանվի և կդառնա Հաշվեքննիչ պալատ, այդ մասին այսօր ԱԺ նիստում Վերահսկիչ պալատի 2018 թվականի գործունեության տարեկան ծրագրի նախագիծը ներկայացնելիս հայտարարեց ՎՊ նախագահ Լևոն Յոլյանը:

«Այս փոփոխությունը բխում է Սահմանադրության փոփոխություններից: Այսինքն՝ այս փոփոխություններով պալատը վերահսկողության մասով կիրականացնի հաշվեքննություն», - նշեց Յոլյանը:

Այս ծրագիրը վերջին անգամ է ներկայացվում Ազգային ժողովի դատին, քանի որ 2018-ի ապրիլից հետո այլևս ինքն է հաստատելու հաշվեքննության թեմաները:

Ինչ վերաբերում է 2018-ի անելիքներին, Յոլյանը տեղեկացրեց, որ առանձնացրել են մի քանի ոլորտներ, որոնցում իրականացնելու են համալիր ուսումնասիրություն: Այսպես, համալիր ուսումնասիրություն կկատարվի Աշխատանքի և սոցիալական հարցերի, Էներգետիկ ենթակառուցվածքների և բնական պաշարների, Արտակարգ իրավիճակների, Տնտեսական զարգացման և ներդրումների և Բնապահպանության նախարարություններում, ինչպես նաև Քաղաքացիական ավիացիայի գլխավոր վարչությունում:

«Թեմաներն ընտրելիս նկատի ենք ունեցել նաև վերահսկողության օբյեկտներում վերջին անգամ իրականացված վերահսկողության ժամանակագրությունը, ծավալը, ինչպես նաև ռիսկերը: Օրինակ՝ Քաղավիացիայում վերջին անգամ վերահսկողություն իրականացրել ենք դեռևս 2009 թվականին, Արտակարգ իրավիճակների նախարարությունում՝ 2012-ին», - ասաց Յոլյանը:

Կոտայքում 16-ամյա աղջիկը Instagram-ում խաղից հետո սպառնալիքներով նամակներ է ստացել, հետո էլ պահանջել են ինքնասպան լինել

 

 

КОМСОМОЛЬСКАЯ ПРАВДА