ԿԱՐՃ ԼՈՒՐԵՐ

Ինչպես են վնասակար մթերքները ազդում մարդկանց ուղեղի վրա

07.12.2017 11:41 ՀԱՆՐՈՒԹՅՈՒՆ ԱՌՈՂՋԱՊԱՀԱԿԱՆ
  Ինչպես են վնասակար մթերքները ազդում մարդկանց ուղեղի վրա

Եթե մարդու ամենօրյա սննդակարգում շատ են վնասակար մթերքները  (պարունակում է շատ յուղ եւ շաքար), ապա նրա ուղեղը ծրագրավորվում է այնպես, որ հետագայում եւս ընտրի վնասակար մթերքներ։ Սիդնեյի հոգեբանության դպրոցի դոկտոր Ջոն Ջոնսթոնի խոսքով՝ այս փոփոխությունները տեղի են ունենում դեռեւս այն բանից առաջ, երբ մարդը սկսում է քաշ ձեռք բերել:

Ծխելը մարդկանց պակաս գրավիչ է դարձնում

Նրա խոսքով, վնասակար մթերքները  ստիպում են թուլացնել ինքնավերահսկողությունը (կատարվում է սխալ ընտրություն սննդի հարցում), վատ է անդրադառնում հիշողության վրա եւ մեծացնում է անհանգստության ավելացման ռիսկը։ Բայց որ ավելի կարեւոր է՝ առողջ սննդակարգին վերադառնալը եւ մարզումները կարող են  բացասական հետեւանքներ ունենալ։

Գիտնականները փորձ են կատարել մկների հետ, որոնց տալիս էին քաղցր կաթ։ Պարզվել է՝ կենդանիները, որոնք չէին կարողանում հրաժարվել քաղցր կաթից, ավելի իմպուլսիվ էին սննդի ընտրության հարցում։ Սակայն, վեց շաբաթ անց՝ նորմալ սննդակարգին վերադառնալուց հետո, կենդանիների մոտ վերականգնվում էին ինքնավերահսկողության ցուցանիշները։  Նաեւ կատարվել էր հետեւյալ փորձը. մկներին գնահատել էին իմպուլսիվության տեսանկյունից եւ մեկ ամսվա ընթացքում կերակրել էին վնասակար մթերքներով։ Այսպիսով, օգտագործված վնասակար մթերքների ծավալը համընկնում էր ինքնավերահսկման ցուցանիշների եւ քաշ հավաքելու հետ։

Դրա հետ մեկտեղ, Մոնաշի համալսարանի աշխատակիցները սքանավորել են գեր եւ նորմալ քաշ ունեցող մարդկանց ուղեղը, ովքեր օգտագործում էին վնասակար սննդամթերք։ Գիտնականներին հետաքրքրում էր, ուղեղի որ մասն է ակտիվանում՝ կախված այդ ընտրությունից։  Գեր կամավորների արդյունքներից պարզ էր դարձել, որ նրանց մոտ ավելի վատ է գործել ուղեղի՝ սովի եւ դատողություններ անելու վերահսկման համար պատասխանատու հատվածների արձագանքը։

 

КОМСОМОЛЬСКАЯ ПРАВДА