ԿԱՐՃ ԼՈՒՐԵՐ

«Գարդասիլի» հակազդեցության մասին տվյալները շարունակում են թաքցնել

06.12.2017 12:49 ՕՐՎԱ ՊԱՏԿԵՐ ՀԱՆՐՈՒԹՅՈՒՆ ԱՌՈՂՋԱՊԱՀԱԿԱՆ
«Գարդասիլի» հակազդեցության մասին տվյալները շարունակում են թաքցնել

Ուշադրություն-ուշադրություն… ՀՀ առողջապահության նախարարությունն ամենքիս հերթական աչքալուսանքն է տվել: Պարզվում է՝ հանրության լայն շրջանակներին լուրջ մտահոգությունների տեղիք տված «Գարդասիլ» պատվաստանյութը, որը նախատեսված է հաջորդ շաբաթվանից 13 տարեկան աղջիկներին պատվաստելու համար, Հայաստան ներկրվելուց առաջ լաբորատոր փորձաքննություն է անցել Նիդեռլանդներում: ԱՆ տարածած հաղորդագրության համաձայն, Հայաստան ներկրված մարդու պապիլոմավիրուսային վարակի դեմ «Գարդասիլ» պատվաստանյութն արտադրվել է ամերիկյան «Մերկ» ընկերության կողմից 2016 թվականի հոկտեմբերի 12-ին՝ երեք տարի պիտանիության ժամկետով։ Պատվաստանյութի ամբողջ խմբաքանակը մինչեւ Հայաստան ներկրվելը փաստաթղթային եւ լաբորատոր փորձաքննություն է անցել Նիդեռլանդներում։ Եվրոպական այս երկրում ոլորտը կանոնակարգող մարմնի՝ Հանրային առողջության եւ շրջակա միջավայրի ազգային ինստիտուտի կողմից կատարվել է պատվաստանյութի արտադրության ամփոփիչ պրոտոկոլի փորձաքննություն։ 34.700 դեղաչափ պատվաստանյութի լաբորատոր հետազոտության արդյունքում տրամադրվել է համապատասխանության սերտիֆիկատ:

Սերժ Սարգսյանը ստորագրել է Ռուսաստանից պետական արտահանման վարկ ստանալու օրենքը

Եվ թեպետ, հաղորդագրությանը կցված սերտիֆիկատը անգլերեն է, բայց ԱՆ-ն վստահեցնում է, որ պատվաստանյութը, որը ներկրվել է ՀՀ ՄԱԿ-ի մանկական հիմնադրամի միջոցով, համապատասխանում է ազգային եւ Առողջապահության համաշխարհային կազմակերպության ուղեցույցի Ա մասի պահանջներին, որոնք ապահովում են գենային ինժեներիայի ճանապարհով ստացված (ռեկոմբինանտ) վիրուսանման մասնիկներ պարունակող պատվաստանյութի անվտանգությունն ու արդյունավետությունը։ Սերտիֆիկատը նաեւ հավաստում է, որ պատվաստանյութի այս խմբաքանակն արտադրվել է կենսաբանական արտադրանքի հիմնական սկզբունքներին եւ պատշաճ արտադրական գործընթացին համահունչ: Ավելին՝ ԱՆ-ն նաեւ նշում է, որ ռեկոմբինանտ պատվաստանյութերը ներկայումս համարվում են ամենաանվտանգն ու արդյունավետը։ Հայաստանում 2000 թվականից ռեկոմբինանտ պատվաստանյութ կիրառվում է հեպատիտ Բ-ի կանխարգելման նպատակով մինչեւ մեկ տարեկան երեխաների շրջանում։

Իհարկե, այս ամենը խիստ տպավորիչ կլիներ եւ արժանահավատ, եթե կցված սերտիֆիկատը ունենար նաեւ, ասենք, նոտարով հաստատված, հայերեն թարգմանություն: Բայց այստեղ առավել ուշագրավ է այն, որ սերտիֆիկատում բացակայում են պատվաստանյութի հակազդեցություն մասին տվյալները եւ բաղադրության անվանումները: Այս հանգամանքը նկատել է իրավապաշտպան, իրավախորհրդատու ԷՄԻԼ ՄԱՐԿՈՍՅԱՆՆ ու նշել. «Այդ ի՞նչ լաբորատորիա է, որ դրա մասին չի գրում եւ սահմանափակում է մի քանի տողով»: Այնուհետեւ ընդգծել է. «Եթե այս գրածները իրենցից որեւէ իրավական ուժ են ներկայացնում եւ մտել են ՀՀ տարացք ու առավել եւս պետական կառույց` ապա համաձայն օրենսդրության Հայաստանի Հանրապետության տարածքում եւ բոլոր պետական կառույցների համար պետական լեզուն հայերենն է»:

Ի դեպ, հատկանշական է այն, որ կառավարությունը դեռեւս շաբաթներ առաջ «Գարդասիլ» պատվաստանյութի կիրառման մասին որոշման նախագծին տվել է դրական եզրակացություն այն դեպքում, երբ այս պատվաստանյութի բաղադրության, հակազդեցությունների եւ այլ մանրամասների վերաբերյալ պատշաճ թարգմանություն եւ իրազեկում չկա:

ՀՐԱՆՏ ՍԱՐԱՖՅԱՆ

 

КОМСОМОЛЬСКАЯ ПРАВДА