ԿԱՐՃ ԼՈՒՐԵՐ

«Նման օրենքի մասին խոսելը, առավելեւս՝ ընդունելը նոնսենս է մեզ համար»

24.11.2017 21:15 ՔԱՂԱՔԱԿԱՆ ՀԱՆՐՈՒԹՅՈՒՆ
«Նման օրենքի մասին խոսելը, առավելեւս՝ ընդունելը նոնսենս է մեզ համար»

Եվ այսպես, «Ընտանիքում բռնության կանխարգելման, ընտանիքում բռնության ենթարկված անձանց պաշտպանության եւ ընտանիքում համերաշխության վերականգնման մասին» աղմկոտ օրինագծը մտնում է ԱԺ-ի քննարկումների փուլ: Չնայած դրան, քաղաքական գործիչները եւ հանրությանը հայտնի այլ անձինք դեռ շարունակում են փնտրել այդ օրինագծի հետ կապված ամենակարեւոր հարցի պատասխանը՝ ի վերջո, ո՞րն է դրա նպատակը, իմաստը, եթե ներկայիս օրենքները շատ հանգիստ թույլատրում են պատժել ոչ միայն ընտանիքներում, այլ՝ առհասարակ բռնություն թույլ տվողներին: Ավելին, նաեւ հնարավորության դեպքում կանխել նման փորձը: Հայտնի ազատամարտիկ, հետախույզ ՎՈՎԱ ՎԱՐԴԱՆՈՎԸ եւս մեզ հետ զրույցում արտահայտեց իր մտահոգությունները օրինագծի հետ կապված՝ ընդգծելով, որ խորհրդարանում նման օրենքի մասին խոսելը, առավելեւս՝ ընդունելը նոնսենս է հայերիս համար:

Հաղորդում հանցագործության մասին. «Գարդասիլ-4» անունը կրող պատվաստանյութը ձեռք է բերվել խարդախ ճանապարհով

«Հայ ժողովուրդը այդ օրենքի անհրաժեշտությունը չունի»

- Անկեղծ ասած, այս թեմայով մեկնաբանություններ դեռ ոչ մի տեղ չեմ տվել, բայց Ձեր լրատվամիջոցի հետ կխոսեմ, որովհետեւ լուրջ մտահոգություններ ունեմ օրենքի նախագծի հետ կապված: Նախ ասեմ, որ այդ օրինագծի դրույթներից որեւէ մեկում բռնության, այն էլ՝ ընտանեկան բռնության կանխարգել ռեալ քայլ չկա: Ցանկացած հանցանք, որը նկարագրված է այդ նախագծում, կարգավորվում է ՀՀ «Քրեական» կամ «Քաղաքացիական» օրենսգրքով: Հայաստանը եւ հայ ժողովուրդը այդ օրենքի անհրաժեշտությունը չունի, ըստ իս՝ այն արհեստածին է եւ անիմաստ: Ավելին ասեմ, այդ օրինագիծն անգամ այդքան չարժե, որ իր շուրջ այդքան աղմուկ է բարձրացնում: Եթե անկեղծ լինեմ, տպավորությունն այն է, որ այս օրենքը օրակարգ է բերվել՝ ի սկզբանե նպատակ ունենալով, որ ավելի լուրջ խնդիրներից մեզ շեղեն:
- Ո՞ւմ է, ըստ Ձեզ, ձեռնտու այս օրենքի ընդունումը մեր երկրում:
- Թե կոնկրետ ում ականջներն են այս ամենի հետեւում երեւում, անկեղծ ասած, կդժվարանամ հստակ ասել: Բայց որ մենք շատ հաճախ, առանց խնդիրը խորքային հասկանալու, ինչ-որ օրենքներ ենք բերում-փաթաթում ժողովրդի վզին, արդեն նորություն չէ ոչ ոքի համար: Սրա հետ մեկտեղ, հանուն արդարության, պետք է փաստել, որ մեր ներկայիս օրենքները, կապված կոնկրետ բռնարարներին պատժելու հետ, միանշանակ գործում են շատ լավ: 

«Փորձում են Հայաստանում անգլո-ամերիկյան ինչ-որ իրավունքներ ներմուծել»

- «Ընտանիքում բռնության կանխարգելման, ընտանիքում բռնության ենթարկված անձանց պաշտպանության եւ ընտանիքում համերաշխության վերականգնման մասին» օրենք կոչվածով` փորձում են Հայաստանում անգլո-ամերիկյան ինչ-որ իրավունքներ ներմուծել: Այդ օրենքի ջատագովները ուզում են իրավական խաղեր տալ, որը ոչ մի աղերս չունի մեր ազգային ավանդույթների հետ: Այն անիմաստ է, արհեստածին: Ուզում եմ հատուկ ընդգծել, որ հենց այնպես կարծիք չեմ հայտնում. ի վերջո, ես իրավաբանական կրթություն եմ ստացել: Ընտանեկան բռնությունների մասին եւ նմանատիպ օրենքներ ընդունելը տիպիկ է Ամերիկայի նման երկրին, որտեղ էլ ժամանակին լայն զարգացում է ստացել այդ օրենքը:  Ինչո՞ւ. դրա պատասխանն էլ կա: Այդ երկրում օրենքը լայնորեն տարածվեց, որովհետեւ ԱՄՆ-ը, այսպես ասած, ազգությունների «կատյոլ» էր: Վայրի կապիտալիզմի պայմաններում, չունենալով ազգային եւ ընտանեկան ավանդույթներ, տարբեր ազգերի ժողովուրդները վայրի պահվածք էին դրսեւորում ոչ միայն հարեւանների, այլեւ իրենց ընտանիքների անդամների նկատմամբ, անտերության էին մատնում երեխաներին, ծնողներին: 
Այն, որ այդ օրենքի նախագիծը վերանայվեց, հավատացեք՝ ոչինչ չփոխեց բուն նախագծում: Ես ամենայն պատասխանատվությամբ ասում եմ՝  «Ընտանիքում բռնության կանխարգելման, ընտանիքում բռնության ենթարկված անձանց պաշտպանության եւ ընտանիքում համերաշխության վերականգնման մասին» օրենքի մասին խոսելը, արծարծելը, առավելեւս ընդունելը նոնսենս է մեզ` հայերիս համար: Այդ օրենքի ջատագովները կամ բացահայտ հիմար են, որը կարող եմ ապացուցել, կամ էլ ծայրահեղ անգրագետ` իրավական տեսակետից: Թե ինչ նոր բաներ են գլխներիս փորձում կոտրել այս օրենքի տակ, չգիտեմ: 

 

Յուղոտ սնունդն ինչպես է մեզ սպանում. հետազոտություն

Զրույցը` ԻԼՈՆԱ ԱԶԱՐՅԱՆԻ

 

КОМСОМОЛЬСКАЯ ПРАВДА