ԿԱՐՃ ԼՈՒՐԵՐ

Ռայան Բոաթրայթին հեռացրել են Հայաստանի ազգային հավաքականից

21.11.2017 17:49 ՕՐՎԱ ՊԱՏԿԵՐ ՍՊՈՐՏ
Ռայան Բոաթրայթին հեռացրել են Հայաստանի ազգային հավաքականից

Բասկետբոլի Հայաստանի ազգային հավաքականն Օլիմպավանում պատրաստվում է նոյեմբերի 23-ին եւ 26-ին կայանալիք Եվրոպայի առաջնության ընտրական փուլի Ալբանիայի եւ Դանիայի հետ խաղերին:

Արցախի Ազգային ժողովում հյուրընկալել են օտարերկրյա խորհրդարանականների պատվիրակությանը

Քիչ առաջ Հայաստանի բասկետբոլի ֆեդերացիայի փոխնախագահ Արա Պողոսյանը լրագրողների հետ զրույցում հայտնեց, որ հավաքականից հեռացվել է Ռայան Բոաթրայթը: Նա գիշերը ժամանել է Երեւան, սակայն կմեկնի իր ակումբի մարզաբազա.

«Ֆեդերացիայի եւ մարզչի համատեղ որոշմամբ Ռայան Բոաթրայթն այլեւս հանդես չի գա Հայաստանի հավաքականում, նրան հեռացրել ենք: Պատճառը՝ ոչ պատշաճ վերաբերմունքն է Հայաստանի ազգային թիմի, ֆեդերացիայի ու մարզչի նկատմամբ: Դա ծանր որոշում էր, բայց ճիշտ: Ազգային հավաքականում ոչ մեկն իրավունք չունի իրեն բարձր դասել մյուսներից, բոլորը հավասար են»,- ասաց Արա Պողոսյանը:

Հավաքականի գլխավոր մարզիչ Նիկշա Բավցեւիչի կարծիքով Հայաստանի թիմում պետք է լինեն այն բասկետբոլիստները, որոնք իսկապես ցանկանում են խաղալ իրենց երկրի համար.

«Մեր թիմում Ռայան Բոաթրայթը միակ լեգիոներն էր եւ ամռանը նա ցույց տվեց իր խաղամակարդակը: Ես չեմ ցանկանում մանրամասներին անդրադառնալ: Պարզապես կասեմ, որ նա կարեւոր խաղացող է, բայց ոչ ամենակարեւորը: Բասկետբոլը թիմային մարզաձեւ է: Մենք փոքր բասկետբոլային երկիր ենք, բայց պետք է պաշտպանենք ազգային հավաքականի շահերը: Չենք կարող թույլ տալ՝ որեւէ մեկը մեր շահերին հակառակ լինի»,- ասաց Նիկշա Բավցեւիչը:

 

 

КОМСОМОЛЬСКАЯ ПРАВДА