ԿԱՐՃ ԼՈՒՐԵՐ

Թուրքիայի զինուժը ներխուժել է Սիրիա (տեսանյութ)

13.10.2017 14:01 ՕՐՎԱ ՊԱՏԿԵՐ ՄԻՋԱԶԳԱՅԻՆ
Թուրքիայի զինուժը ներխուժել է Սիրիա (տեսանյութ)

Հոկտեմբերի 13-ին գիշերը Թուրքիայի զինված ուժերը (TSK) մտել են Սիրիայի հյուսիսային Իդլիբ շրջան:

Ըստ թուրքական  «Gazetevatan» թերթի կայքի՝  Թուրքիայի  զինուժի ներխուժումը  Իդլիբ, ընթանում է  Իրանի և Ռուսաստանի հետ համաձայնությամբ, որը ձեռք է բերվել Աստանայի բանակցությունների   շրջանակներում: Նախատեսվում է Իդլիբում ստեղծել անվտանգության գոտի:

Միջանկյալ նշենք, որ Իդլիբում լարված դրություն է, քանի որ  «Ալ-Քաիդա»  ահաբեկչական կազմակերպության ճյուղավորումներից մեկը փորձում  է տարածքը իր վերահսկողության տակ վերցնել: Իսկ Թուրքիան, Իրանը և Ռուսաստանը նպատակ ունեն  կանխել դա:

Աղբյուրը տեղեկացնում է, որ գիշերը Թուրքիայի զինուժին պատկանող 12 զրահապատ մեքենայից կազմված ավշորասյունը 80 թուրք զինվորների հետ միասին մտել է Սիրիա և շարժվել դեպի Իդլիբ: Նշվում է, որ Սիրիա են մտել նաև թուրքական տանկեր:

Թուրքիայի հատուկ ծառայությունները հոկտեմբերի 8-ից սկսած հետախուզական տվյալներ էին հավաքում՝ Իդլիբ մուտք գործելու համար:

Հիշեցնենք, որ Աստանայում ձեռքբերված համաձայնությամբ՝ Իդլիբում «անվտանգության» գոտի է սահմանվել. որպես երաշխավոր երկրներ հանդես են գալիս Իրանը, Թուրքիան և Ռուսաստանը:

 

 

КОМСОМОЛЬСКАЯ ПРАВДА