ԿԱՐՃ ԼՈՒՐԵՐ

Թրամփի վարկանիշը բարձրանում է

24.09.2017 11:24 ՄԻՋԱԶԳԱՅԻՆ
Թրամփի վարկանիշը բարձրանում է

ԱՄՆ-ի նախագահ Դոնալդ Թրամփի վարկանիշը գրանցել է մի փոքր աճ: Եթե մեկ ամիս առաջ նրան աջակցում էր ամերիկացիների մոտ 35 տոկոսը, այսօր Թրամփին կողմ է 40 տոկոսը: Հիմա հարցն այն է, թե Թրամփը շրջել է այսպես ասած ծանր քարը, թե սա միայն ժամանակավոր փոփոխություն է: Այս մասին հաղորդում է «Ամերիկայի ձայնը»:

Պուտինը դեռևս չի պլանավորում հեռախոսազրույց ունենալ Թրամփի, Մերկելի կամ Մակրոնի հետ

Աճը նկատվեց հատկապես այն բանից հետո, երբ նա կայացրեց բյուջեի հարցում, ինչպես նաեւ ծովրամրրիկների հետեւանքները վերացնելու գործում դեմոկրատների հետ համագործակցելու որոշում: Սակայն, թե որքան երկար կշարունակվի դեմոկրատների հետ նրա համագործակցություն, գուշակելն անհնար է, ասում է վերլուծաբան Բիլ Գալստոնը: ‘’Երբ հարցը վերաբերում է Թրամփին, ես խուսափում են կանխորոշումներից: Չկա որեւէ միջոց գուշակելու համար, թե որքան է սա տեւելու:

Սակայն երկկուսակցական համագործակցությունը չի տարածվում բուժսպասարկման ոլորտի վրա, երբ Սենատում հանրապետականները շարունակում են վերջին ջանքերը’ Օբամաքեըրը վերացնելու ուղղությամբ: Հարց, որի ամենաջերմ աջակիցն է Թրամփը:

Իսկ դեմոկրատները, այդ թվում նախկին նախագահ Բարաք Օբաման ասում են, որ դրա արդյունքում միլիոնավոր ամերիկացիներ կզրկվեն բժշկական ապահովագրություններից: ‘’Ծանր իրավիճակ է ստեղծվում: Եվ այս ամենը փորձում են անել առանց տնտեսական որեւէ նշանակալի փոփոխության կամ բոլորի կողմից ընդունելի հիմնավորումների’’, ասում է Օբաման:

Թրամփը հաստատակամ է իր աջակիցներին վստահեցնելու հարցում, որ ինքը կատարելու է ընտրարշավի ընթացքում տված խոստումները: Այս ընթացքում նրա վարկանիշն աճում է, սակայն նախորդ նախագահների համեմատ ամենացածրն է:

Գելըփ հարցումների կենտրոնի մասնագետներից Ֆրենք Նյուփորթն ասում է, թե Թրամփն իր պաշտոնավարման առաջին այս ամիսների ընթացքում Դուայթ Էյզենհաուերի ժամանակներից ի վեր դեռեւս սանդղակի ամենացածր հատվածում է:

 

КОМСОМОЛЬСКАЯ ПРАВДА