ԿԱՐՃ ԼՈՒՐԵՐ

Գոռ Երիցյան. Հիանալի մարզավիճակում եմ եւ ցանկանում եմ ավելի առաջ գնալ պրոֆեսիոնալ ռինգում

12.08.2017 15:51 ՍՊՈՐՏ
Գոռ Երիցյան. Հիանալի մարզավիճակում եմ եւ ցանկանում եմ ավելի առաջ գնալ պրոֆեսիոնալ ռինգում

Հայաստանի հավաքականի բռնցքամարտիկ Գոռ Երիցյանն օրեր առաջ երկրորդ մենամարտն անցկացրել՝ պրոֆեսիոնալ ռինգում: Սոչիում տեղի ունեցած PUNCH boxing promotion-ի կազմակերպած պրոֆեսիոնալ բռնցքամարտի հերթական շոուի ընթացքում Գոռը չորրորդ ռաունդում նոկաուտի է ենթարկել մրցակցին՝ տանելով երկրորդ անընդմեջ հաղթանակը:

«Մրցակիցս շատ փորձառու էր: Պրոֆեսիոնալ բռնցքամարտում 40 մարտ էր անցկացրել: Չնայած նրան, որ ուներ պարտություններ, բայց այդքան տարի պրոֆեսիոնալ բռնցքամարտում լինելը արդեն ինչ-որ բան ասում է: Առաջին մենամարտում փոքր լարվածությունից հետո այս անգամ շատ հանգիստ էի ինձ զգում ռինգում: Ֆիզիկապես եւ տեխնիկապես շատ լավ էի պատրաստվել Դավիթ Թորոսյանի գլխավորությամբ: Արդյունքն էլ եղավ այն, որ ժամանակից շուտ վճռեցի մենամարտի ելքը: Հիմա պատրաստվում եմ հաջորդ մենամարտին, որն, ամենայն հավանականությամբ, կլինի հաջորդ ամսվա վերջին: Գլխավոր նպատակս պրոֆեսիոնալ բռնցքամարտում գոտիներ նվաճելն է առանց պարտությունների»- Գոռ Երիցյանի խոսքը մեջբերում է ՀԲՖ մամուլի ծառայությունը:

Հարցին, թե շարունակելու՞ է ելույթները հավաքականի կազմում, Երիցյանը պատասխանել է. «Հիմա կարող եմ ասել, որ հանդես չեմ գա սիրողական բռնցքամարտում մինչեւ 2020 թվականի Օլիմպիական խաղերը: Հիմա հիանալի մարզավիճակում եմ եւ ցանկանում եմ ավելի առաջ գնալ պրոֆեսիոնալ ռինգում, իսկ սիրողական մակարդակում մրցավարական անարդարությունները շատ են»,- Գոռ Երիցյանի խոսքը մեջբերում է ՀԲՖ մամուլի ծառայությունը:

 

КОМСОМОЛЬСКАЯ ПРАВДА