ԿԱՐՃ ԼՈՒՐԵՐ

Հուլիսի 22-ի աստղագուշակ

22.07.2017 10:12 ՕՐՎԱ ՊԱՏԿԵՐ ԱՍՏՂԱԳՈՒՇԱԿ
Հուլիսի 22-ի աստղագուշակ

Խոյ

Խոյերի համար անհանգստությունների գլխավոր աղբյուրը կմնա անձնական տիրույթը, մտերիմների խումբը: Հնարավոր է ընտանեկան գործի, կենցաղային միջոցառման ավարտ: Եթե սցենարը դեռ ավարտված չէ, հետևում կմնա առաջին քայլը կամ գործողությունների կարևոր մասը: Օրվա զգացմունքային ֆոնը պոտենցիալ լարված կլինի: Լավ կլինի զբաղվել մաքրությամբ կամ նշանակալի ավարտական միջոցառումներ անցկացնել, ամփոփել գործերի արդյունքները:

Ցուլ

Ցուլերին այսօր կարող է ոգեշնչել շրջապատող իրադրությունը: Նույնիսկ եթե ֆիզիկական ուժերը քիչ են, բացակայում է անհրաժեշտ օգնությունը կամ սարքավորումը, կարելի է առաջ ընթանալ հոգեկան վերելքի շնորհիվ: Էնտուզիազմի պատճառ կարող է լինել նոր աշխատանքը: Բացառված չէ ընտանիքի, ազգականների գործերի նկատմամբ մեծ հետաքրքրությունը: Կարող է ուժգնանալ հին ընկերների հետ զգացմունքային մտերմությունը:

Երկվորյակ

Երկվորյակներին խորհուրդ է տրվում զերծ մնալ չհիմնավորված ծախսերից և այլ ավելորդություններից: Շատ ուտելու, խաղային ազարտի, չափից դուրս շռայլության նախատրամադրվածությունը կարող է սպասվող արտաքին արդյունքը և հոգեկան բավարարվածությունը չտալ: Զգացմունքների ազդեցության տակ աճում է անպետք ավելորդությունների և վնասների հավանականությունը, որոնցից կարելի է խուսափել, եթե ավելի զուսպ լինեք:

Խեցգետին

Խեցգետինները մինչ գիշեր կձգտեն ծայրահեղությունների, կարող են չափից դուրս սենտիմենտալություն, հայրենասիրություն դրսևորել: Կախված բնավորությունից՝ կարող եք ձեր նկատմամբ ուշադրություն սպասել կամ հոգ տանել ուրիշներին, մտերիմներից անկախություն կամ նրանց նկատմամբ չափից դուրս հոգատարություն դրսևորել: Բնական կլինի սթրեսների համար ձեզ պարգևատրելու, բաց թողածը լրացնելու ցանկությունը:

Առյուծ

Առյուծները կարող են այս օրն օգտագործել էներգիայի կուտակման համար: Լավ կլինի օրն անցկացնել ամառանոցում կամ այլ վայրում, որը ներքին վստահություն է երաշխավորում: Ակտիվ շփումն ավելի լավ է փոխարինել հին ծանոթների նեղ շրջանակով, որոնք ունակ են հոգեկան և բարոյական աջակցություն ապահովել, հասկանալ ձեր զգացմունքների բնույթը: Անցանկալի է փոխգործակցել նրանց հետ, ովքեր ձեզ մոտ տհաճ հիշողություններ են արթնացնում:

Կույս

Կույսերն այսօր զգացմունքայնորեն և բարոյապես իրենց մոտ միջավայրի կարիք են զգում: Հենց այն կոգեշնչի և կաջակցի նրանց թուլության, հիասթափության պահին: Ամբողջությամբ բացվելուն կօգնի ոչ պաշտոնական վստահելի մթնոլորտը՝ ինչպես տանը, այնպես էլ հյուրընկալվելիս: Հոգեկան աջակցություն կարելի է գտնել ընկերների, ազգականների մոտ կամ քաղել սեփական հաջողությունների մասին հիշողություններից:

Կշեռք

Կշեռքներն այսօր անտարբեր չեն լինի ընտանիքի, արյունակցական կապերի, ազգային ավանդույթների, ինչ-ինչ բարոյական ասպեկտների հետ կապված թեմաների նկատմամբ: Ձեր ինքնասիրությունը կարող է շոյել հովանավորի, ուսուցչի, ընտանիքի կամ խմբի ղեկավարի, ավանդույթների շարունակողի դերը: Օրը տրամադրում է նաև ծայրահեղությունների: Կարող եք գերագնահատել ձեր նվաճումները կամ դրամատիզացնել տապալումները:

Կարիճ

Կարիճներին օրը ոգևորում է, մղում է հետագա սխրագործությունների: Կառուցողական ծրագրերի հետ մեկտեղ բացառված չեն նաև մեծ փառքի, հեքիաթային հաջողության, ընդլայնված լիազորությունների վերաբերյալ համարձակ երևակայությունները: Ձեր երազանքներում կարող եք շատ վեր բարձրանալ՝ չկռահելով գնի մասին, որը ստիպված կլինեք վճարել իրականության մեջ նման հաջողոթյան համար:

Աղեղնավոր

Աղեղնավորների համար որոշիչ գործոն կլինի ճգնաժամի հաղթահարման հետ կապված հոգեկան վիճակը: Զգացմունքայնորեն հագեցած օր է, այդ պատճառով կարևոր է, թե ինչ զգացողություններ են համալրում ձեզ և շրջապատողներին: Կարևոր է մաքրվել, ազատվել բացասական զգացողություններից: Կապվածությունը կամ մեղքի զգացումը կարող են դրդել հոգ տանել ընտանիքի, մտերիմ ընկերների, հայրենակիցների, հավատակիցների նկատմամբ:

Այծեղջյուր

Այծեղջյուրներին խորհուրդ է տրվում հարգել գործընկերոջ որոշումը՝ ինչպիսին էլ, որ այն լինի: Իրադարձությունների ցանկացած ելք արժե ընդունել որպես եղելություն. անցյալի վրա չսևեռվելու ունակությունը կօգնի ուժերը խնայել հետագա առաջադրանքների լուծման համար: Մրցակցությունը կարող է նոր մակարդակ դուրս գալ, իսկ համագործակցությունը կարող է պահանջել շահերի կարգավորման այլ ոճ: Լարված հարաբերություններին օգտակար կլինի ժամանակավոր դադարը:

Ջրհոս

Ջրհոսներին աստղերը խորհուրդ չեն տալիս հարաբերություններում առաջնորդության ձգտել: Անցանկալի է նախաձեռնություն դրսևորել, ավելի լավ է սպասել, մինչև դա անեն ուրիշները: Այսօր օգտակար կլինի կենտրոնանալ առօրյայի վրա՝ ներառյալ հիվանդությունների բուժման և պրոֆիլակտիկայի հարցերը: Արժե ազատվել պարտականություններից, որոնք ձեզ ձեռք չեն տալիս, սակայն խորհուրդ է տրվում գործերն անավարտ չթողնել:

Ձկներ

Ձկներին աստղերն ակնարկում են, որ եկել է զգացմունքների վերակառուցման պահը, եթե մտադիր եք նշանակալի արդյունքների հասնել: Հերոսականորեն հրաժարվելով արկածախնդրություններից և ավելորդություններից՝ ձեր ստեղծագործական էներգիան կուղղեք ավելի հուսալի և հեռանկարային ուղղությամբ: Այսօր կարելի է նախընտրել լիարժեք հանգիստը, ձեզ թույլ տալ երազել և թուլանալ, սակայն վաղն արդեն անհրաժեշտ կլինի անցնել գործերին:

 

КОМСОМОЛЬСКАЯ ПРАВДА